მუშო ოკო რაგად, ქო. სოდგა ვა ფცხოვრენდათინ, იეჰოვაშ მოწმეეფს მიღნა მისიონერიშ განწყობა, მუშენდა ირიათო მზათ ვორეთ ჩქინ რწმენაშ გურშენ გეგნოფჩათ თინეფს, მიდგას შეფხვადუთ (მათე 28:19, 20).

 ნამთინე იეჰოვაშ მოწმე გინურს თიცალ ტერიტორიაშა, სოდეთ ხალხის დიო ხოლო ვა მურჩქილუაფ სახიოლო ამბე ბიბლიაშე. ნამთინე შხვა ქიანეფშა ხოლო გინმურს, ნამდა უმოს მეტ დრო დუთმას მსახურებას. თინეფ ბედნერეფ რენა, მუშენდა მონაწილებას ღებულენა იესოშ წინასწარმეტყველებაშ შესრულებას: „იჸუაფუთ ჩქიმ მოწმეეფ ... დედამიწაშ არძა კუნთხუს“ (საქმეები 1:8).

 1943 წანას მოწმეეფქ დაარსეს სკოლა, ნამდა მუმზადებდესკო მოწმეეფ მისიონერულ მსახურებაშო. თეშ უკულ, 8 000-შე მეტ მოწმექ გემკორთჷ თე სკოლა, ნამდგას „გინაჯინალ კოშკიშ“ ბიბლიურ სკოლა „გალაად“ ჯოხო.