მათეშ 28:19, 20-ის იესოქ მიშინუ თი ნაბიჯეფ, ნამუთ პიროვნებაქ ოკო გინოდგას, ნამდა იეჰოვაშ მოწმეთ გინირთას. თე მონაკვეთ აარგამენს, მუ ოკო აკეთას თიქ, მიდგას ოკო, ქრისტეშ მოწაფეთ გინირთას. მუჭოთ ბგებულენთ, ართ-ართ მოთხოვნა ღორონთ იეჰოვაშ გურშენ შხვეფწკუმა ჩიება რე.

 ნაბიჯ 1: ქიდიგურე ბიბლია. იესოქ მუშ მიმაჸუნალეფს თეცალ მითითება მეჩჷ: „მამზადით მოწაფეეფო ... ქუდაგურეთ თინეფს“ (მათე 28:19, 20). სიტყვას, ნამუთ „მოწაფეთ“ ითარგმნუ, იგულისხმებ „თი პიროვნება, მით გურაფლენს“. ბიბლიაშე, განსაკუთრებულო იესოშ გურაფეფშე, ბგებულენთ, მუ ოკო ვაკეთათ, ნამდა მიღდან ბედნერ დო აზრიან ცხოვრება (2 ტიმოთე 3:16, 17). ხიოლით მიგეხვარებუთ ბიბლიაშ უფასოთ დოგურაფას (მათე 10:7, 8; 1 თესალონიკელები 2:13).

 ნაბიჯ 2: გეგმირინეთ ბიბლიაშე ნაგურეფ. იესოქ თქუ, ნამდა გურაფაწკუმა ართო აუცილებერ რე, პიროვნებაქ თიშ მითითებეფ ხოლო დეცვას (მათე 28:20). თენა ვა ნიშნენს, ხვალე რჩქინაშ მეღებათ დეკმაყოფილათ. საჭირო რე, მუდგას გურაფლენთინ თიშ შესაბამისო დოთირუათ თქვან აზროვნება დო საქმეეფ (საქმეები 10:42; ეფესოელები 4:22—29; ებრაელები 10:24, 25). თინეფ, მით ომორჩილ იესოშ მითითებეფს, სურვილ ურჩქინდუნა, დუდ მეუძღვინან იეჰოვა ღორონთის დო თეშნერო, გინირთან ქრისტეშ მოწაფეეფო (მათე 16:24).

 ნაბიჯ 3. დინათით. (მათე 28:19). ბიბლიას ნათუა შედარებულ რე ნთხორუაწკუმა (შეადარით რომაელები 6:2—4). ნათუა თიშ სიმბოლო რე, ნამდა დოღურით ჯვეშ ცხოვრებაშო დო ახალ ცხოვრებას იჭყანთ. ნათუათ სახალხოთ ოძირანთ, ნამდა სრულაშო შეასრულით თიშ ჟირ ნაბიჯ, ნამდგაშე იესოქ მომწოდეს დო ღორონთის თხინთ სუფთა სინდისის (ებრალები 9:14; 1 პეტრე 3:21).

 ქუდურაგადეთ კრებაშ უხუცესეფს. თინეფ ქუდოირაგადუანა, ნამდა დერწმუნან, მუსხით ჯგირო ინანჭით ნაგურეფუს, ქოცხოვრენთ დო ვარ მუდგას გურაფლენით თიშ შესაბამისო დო საკუთარ სურვილით მეუძღვინით დო ვარ დუდ იეჰოვას (საქმეები 20:28; 1 პეტრე 5:1—3).

 ქო. ბიბლია მომწოდენა, ნამდა ჩქინ სქუალეფ იეჰოვაშ მოსაწონო მობრდათ დო ქიგვოწურუათ (ეფესოელები 6:4). მარა, მუჟამსით მირდუნა თინეფქ მუნეფიშით ოკო გინოჭყვიდან, დიგურანა დო ვარ ბიბლიას, დეთანხმებნა დო გეგმირინუანან დო ვარ ბიბლიურ გურაფეფს, ნამდა შეიალებუან ნათუაშო საჭირო მოთხოვნეფიშ დაკმაყოფილებაქ (რომაელები 12:2). მუშო ოკო რაგად, მუჟამსით საქმე რწმენას ოხუ თითოულ პიროვნება პირადო ღებულენს გადაწყვეტილებას (რომაელები 14:12; გალატელები 6:5).