ჩქი, იეჰოვაშ მოწმეეფ, ირნერო ვოცადუთ, გუვამანგარათ ჩქინ ოჯახეფ დო თეშნერო, ჩქინ დუდის ხოლო მივეხვარათ დო შხვეფს ხოლო. ჩქი პატის ფცენთ ღორონთის, ოჯახიშ გუმაჭყაფალს (დაბადება 2:21—24; ეფესოელები 3:14, 15). თინა ბიბლიაშე მოგურუანა პრინციპეფს, ნამუთ ოხვარ მთელ მსოფლიოს მახორუ ხალხის, უღდან მტკიცე დო ბედნერ ქორწინება.

 ჩქი ირნერო ვოცადუთ, მივაჸუნათ ბიბლიურ რჩევეფს, ნამუთ მოხვარნა, ვორდათ უჯგუშ ქომონჯეფ, ოსურეფ დო მშობლეფ (იგავები 31:10—31; ეფესოელები 5:22—6:4; 1 ტიმოთე 5:8). ბიბლიურ სიბრძნე რელიგიურო გორთილ ოჯახეფს ხოლო ოხვარ, უღდან ბედნერ ქორწინება (1 პეტრე 3:1, 2). მორთ ქობძირათ, თინეფიშ შემთხვევეფ, მიდგაშ მეუღლეეფქ იეჰოვაშ მოწმეეფო გინირთეს:

•   „დაქორწინებაშ უკულ პირველ ამშვ წანას ირიათო ფჩხუპენდით დო ბნირზენდით. თიშ უკულ, მუთ ივეტიქ იეჰოვაშ მოწმეთ გინირთჷ, უმოს მოჸოროფე რე დო მოთვინებას გიმირჩქინანს. ივეტიშ თეცალ თირუაქ ჩქინ ოჯახ აკორღვაფას გინასქილიდუ“ (კლაუერ, ბრაზილია).

•   „მუჟამსით ჩქიმ ქომონჯიქ, ჩანსაქ იეჰოვაშ მოწმეეფწკუმა ბიბლიაშ გურაფა დიჭყჷ, დუდშე მანგარ წინააღმდეგ ვორდჷ, მუშენდა ფიფქრენდჷ, ნამდა თინეფ ოჯახეფს აკარღვანდეს. ასე ვორწყექ, ნამდა ბიბლიაქ ჩქინ ოჯახ აკორღვაფას გინასქილიდუ“ (აგნეს, ზამბია).

 მსახურებაშ დროს, ხალხის ევუნწყუნთ, ნამდა ბიბლიურ სიბრძნეშ გიმორნაფა თინეფს მეხვარებნა ...

•   გონივრულო გიშეგორან მომავალ მეუღლე

•   მერუან პრობლემეფს, ნამუთ ქორწინებაშ პირველ წანას აღვენუნა

•   ჯგირ ურთიერთობა უღდან ართიანიშ მშობლეფწკუმა

•   გონივრულო გეგმირინუან ფარა

•   დუდ აურიდან ჩხუპის

•   ქიდიგურუან ართიანიშ პატიება

•   ჯგირო მორდან ბაღანეფ

 მინშა მართალო ხვადუ თაშ. მაგალთო 1998 წანას ართ-ართ კომპანიაქ კვლევა ჩატარ, სოვრეშეთ ქიძირ, ნამდა 20-შე ართ ოჯახის, სოდეთ ართ-ართ მეუღლექ იეჰოვაშ მოწმეთ გინირთჷ, სერიოზულ პრობლემეფქ ქაშის.

 იესოქ იწინასწარმეტყველ, ნამდა თინეფ, მით მიაჸუნუდეს თიშ გურაფეფს შეხვადუდეს პრობლემეფს (მათე 10:32—36). ისტორიკოს უილ დოურანტიქ თქუ, ნამდა რომიშ იმპერიაშ ქალაქეფს „მიორჩქუდეს, ნამდა ქრისტიანობა რელიგია რდუ, ნამუთ ოჯახეფს აკარღვანდჷ“. a ამდღა ნამთინე იეჰოვაშ მოწმეს ხოლო აბრალუაფნა თეს. ნიშნენსო თენა თის, ნამდა იეჰოვაშ მოწმეეფს ოჯახშა გორთუალა მიშუღნა?

 მუჟამსით ადამიანეფიშ უფლებეფიშ ევროპულ სასამართლო გენიხილენდჷ იეჰოვაშ მოწმეეფიშ წინააღმდეგ მიშაღალირ საქმეს, ნამდა თინეფ ოჯახეფს აკმარღვანს, აღნიშნჷ, ნამდა ხშირას კომფლიქტიშ მიზეზ თინეფ რენა, მით ვა რენა იეჰოვაშ მოწმეეფ, მუშენდა „თინეფ ვა ღებულენა დო პატის ვა ცენა ოჯახიშ წევრიშ უფლებას შეასრულან მუნეფიშ რელიგიურ მსახურება“. სასამართლოქ თენა ხოლო თქუ: „ართნერ სიტუაციეფ რე თიცალ ოჯახეფს, სოდეთ შხვადოშხვა რელიგიურ შეხედულებეფ უღნა დო იეჰოვაშ მოწმეეფ შუროთ ვა რენა გამონაკლის“. b თიშ უმკუჯინუო, ნამდა იეჰოვაშ მოწმეეფ ხშირას შეხვადნა მუნეფიშ რელიგიაშ მიმართ უარყოფით დამოკიდებულებას, ირნერო ოცადნა, მიაჸუნან ბიბლიას მოჩამილ რჩევას: „მითინს ვეგნუგათ მანგიორ ... თქვან მხარეშე მუსხით შეიოლებერ რენ, მშვიდობიანო რდათ არძაწკუმა“ (რომაელები 12:17, 18).

 იეჰოვაშ მოწმეეფ მეჸუნა ბიბლიურ მითითებას, ნამდა დექორწინან „ოღონც უფალს“, თენა ნიშნენს, ნამდა პიროვნებაქ დექორწინას თიწკუმა, მით მუშ რწმენას იზიარენს (1 კორინთელები 7:39). თე მითითება ღორონთშე რე დო პრაქტიკულ რე. მაგალთო, 2010 წანას გიშაშქუმალირ ართ ჟურნალს, თეცალ მუდგარენ ჭარუდ: „წყვილეფს, მიდგას ართ დო იგივე რელიგია, შეხედულებეფ დო მრწამს უღნა, ართიანწკუმა უმოს ჯგირ ურთიერთობა უღნა“. c

 იეჰოვაშ მოწმეეფ ველუჩანა თანამორწმუნეეფს, ჩეთხუან მეუღლეს, მით ვა რე იეჰოვაშ მოწმე. ბიბლია იჩიებ: „ჯიმას ურწმუნო ოსურ ქოჸუნს დო თი ოსურს თიწკუმა ცხოვრება ქაკონ-და, ვემიოტუას თინა, დო ოსურს ურწმუნო ქომონჯ ქოჸუნს დო თე კოჩის თიწკუმა ცხოვრება ქაკონ-და, ვემიოტუას ქომონჯ“ (1 კორინთელები 7:15). იეჰოვაშ მოწმეეფ მეჸუნა თე მითითებას.