ვარ. ჩქი ქრისტიანეფ ვორეთ, მარა დუდის პროტესტანტეფო ვემიფრჩქინანთ. მუშენ იფჩიებუთ თეს?

 პროტესტანტიზმ რე რელიგიურ მიმდინარეობა, ნამდგაქ რომიშ კათოლიკურ ეკლესიაშ წინააღმდეგ მიდართჷ. მართალ რე, იეჰოვაშ მოწმეეფ ვათანხმუნა კათოლიკურ ეკლესიაშ გურაფეფს, მარა თინეფ დუდის პროტესტანტეფო ვემირჩქინანა თუდო მოჩამილ მიზეზეფიშ გურშენ:

1.   ნამთინე პროტესტანტულ გურაფა ოწინააღმდეგ ბიბლიურ გურაფეფს. მაგალთო, ბიბლია ოგურუანს, ნამდა ღორონთ ართ რე დო ვართ ხოლო სამებაშ ნაწილ (1 ტიმოთე 2:5; იოანე 14:28). თეწკუმა ართო, ბიბლია ოგურუანს, ნამდა ღორონთ უბადო კათას ჯოჯოხეთის ვაწამენსინ, თეშ გინაწონს, საბოლათ მოსპუნს თინეფს (ფსალმუნი 37:9; 2 თესალონიკელები 1:9).

2.   ჩქი პროტესტის ვეგმოფხანტუნთ კათოლიკურ ეკლესიაშ ვარდა შხვა რელიგურ მიმდინარეობეფიშ მიმართ დო ვართ თინეფიშ თირუას ვოცადუთ. ჩქი ღორონთიშ სამეფოშ გურშენ სახიოლო ამბეს ფქადაგენთ დო ხალხის ვოხვარუთ, ირწმუნან თე ამბე (მათე 24:14; 28:19, 20). ჩქინ მიზან ვა რე, ნამდა შხვა რელიგიურ მიმდინარეობეფს ცვლილებეფ მიშებღათ, ჩქი მთელ გურით მოკონა, ალალ კათას ქუდვოგურუათ ჭეშმარიტება ღორონთიშ დო თიშ სიტყვაშ, ბიბლიაშ გურშენ (კოლოსელები 1:9, 10; 2 ტიმოთე 2:24, 25).