ქო. პიროვნებას შეულებ ქიდიტუას იეჰოვაშ მოწმეეფიშ ორგანიზაცია ჟირნერ საშვალებათ:

•   ოფიციალურ განაცხად: პიროვნებას შეულებ წერილობით ვარდა სიტყვიერო განაცხადას, ნამდა უკვე ვაკო რდას იეჰოვაშ მოწმე.

•   საქციელ. პიროვნებაქ შილებე მუშ საქციელით ოძირას, ნამდა ვაკო ჩქინ საჯიმალოშ წევრ რდას (1 პეტრე 5:9). მაგალთო, შილებე შხვა რელიგიაშ წევრო გინირთას დო თეთ ოძირას, ნამდა თიშ მიმაჸუნალ რე (1 იოანე 2:19).

 ვარ, თაშ ვა ფიფქრენთ. დიდ განსხვავება რე თი პიროვნებაშ შქას, მით შეგნებულო იტენს ორგანიზაციას დო თიშ შქას, მიდგას რწმენაქ შესუსტ. ხშირას გურგოტახუა რე თიშ მიზეზ, ნამდა პიროვნება გარკვეულ დროთ აქტიურო ვა ღებულენს მონაწილებას თაყვანიშცემას დო ვართ ხოლო თინა, ნამდა ვარიას იჩიებ რწმენაშე. თიშ გინაწონს, ნამდა დუდ ავარიდათ თეცალ კათას, ჩქი ირნერო ვოცადუთ, გურშა ევუქექუათ დო ელუდირთათ თინეფს (1 თესალონიკელები 5:14; იუდა 22). პიროვნებას სურვილ ქოუღუნ-და, კრებაშ უხუცესეფ მთელ გურით მეხვარებნა თის (გალატელები 6:1; 1 პეტრე 5:1—3).

 მარა, მუშო ოკო რაგად, უხუცესეფ მითინს ვანძალენა, ქუდოსქიდან იეჰოვაშ ორგანიზაციას. თითოულ პიროვნება მუშით გინოჭყვიდუნს, ნამ რელიგიას მიაჸუნუ (იესო ნავეს ძე 24:15). ჩქი მარჩქილენა, ნამდა პიროვნებას, თვითონ ოკო ოკოდას, მთელ გურით ემსახურას ღორონთის (ფსალმუნი 110:3; მათე 22:37).