ქო. თუდო გიმოკოროცხილ მიზეზეფ ამტკიცენს, ნამდა ქრისტიანეფ ვორეთ:

•   ჩქი ვოცადუთ ზუსტას მივაჸუნათ იესოშ გურაფეფს დო ცხოვრებაშ წესის (1 პეტრე 2:21).

•   ჩქი ბჯერა, ნამდა რსხება ხვალე იესოშ საშვალებათ რე შეიოლებერ. „შხვა მითინს ვა რე რსხება, მუშენდა ვა არსებენს ცაშ თუდო ხალხშა მეჩამილ შხვა სახელ, ნამუშ საშუალებათ გინოფსკიდუთ“ (საქმეები 4:12).

•   იეჰოვაშ მოწმეეფ იესოშ სახელით ინათუნა (მათე 28:18, 19).

•   ჩქი იესოშ სახელით ბლოცულენთ (იოანე 15:16).

•   ჩქი ბჯერა, ნამდა იესო რე ღორონთიშ დორნაფილ დუდ, შხვა სიტყვეფით ქოფთქუათინ არძა ადამიანიშ ზედამხედველ (1 კორინთელები 11:3).

 ეგრეთ წოდებულ ქრისტიანულ რელიგიურ ჯგუფეფ დო ჩქინ შკას მართალო დიდ განსხვავება რე. მაგალთო, ჩქი ბჯერა ბიბლიურ გურაფაშ, ნამდა იესო ღორონთიშ სქუა რე დო ვართ სამებაშ ნაწილ (მარკოზი 12:29). ჩქი ვა ბწანა უღურალ შურიშ. ვართ ჯოჯოხეთიშ ბჯერა, მუშენდა ბიბლიას სოთინ ვა რე მოშინაფილ, ნამდა ღორონთ ადამიანეფს მარადიულო აწამენს. ჩქი ვემმორჩქუნა, ნამდა რელიგიურ ლიდერეფიშ საქმიანობა დო ტიტულეფ თინეფს შხვეფშე აღმატებულს გინაშკვანს (ეკლესიასტე 9:5; ეზეკიელი 18:4; მათე 23:8—10).