მსოფლიო სამქადაგებლო საქმიანობა ძირითადო იეჰოვაშ მოწმეეფიშ ნებაყოფლობით კეთებულ შესაწირავეფით იფინანსებ. a შესაწირავეფიშ ყუთეფ რე თი ადგილეფს, სოდეთ იეჰოვაშ მოწმეეფ შეხვალამეფს ატარენა. მიდგაინს შესაწირავიშ კეთებაშ სურვილ ქაღვენუნ-და, შეულებ თე ყუთეფიშ საშვალებათ ვარდა ჩქინ ვებგვერდის მოჩამილ შხვა საშვალებეფით გაკეთას შესაწირავ. თითოულ პიროვნება მუშით გინოჭყვიდუნს, მსოფლიო სამქადაგებლო საქმეშო აკეთენს შესაწირავს, ადგილობრივ კრებაშ საჭიროებეფშო დოვარ ჟირხოლოშო.

 იეჰოვაშ მოწმეეფს ვემეთხიებნა ნავითალიშ გაფა ვარდა მუნეფიშ შემოსავალშე ფარაშ დოდვალა (2 კორინთელები 9:7). შეხვალამეფშა დასწრება უფასო რე დო თექ ვა ხვადუ ფარაშ ეშაყარუა. ვართ ნამთინ იეჰოვაშ მოწმე ეჭოფუნს ფარას თიცალ რელიგიურ ღონისძიებეფიშ ჩატარებელო მუნერით რე, ნათუა დო დაკრძალვაწკუმა ვარდა ქორწილწკუმა დაკავშირებულ ცერემონიეფ. თეს გეძინელ, იეჰოვაშ მოწმეეფ ვა ღებულენა ფინანსურ მოგებას ვაჭრობათ, აზარტულ ლაჸაფეფით, კარნავალეფს ვარდა შხვადოშხვა წვეულებეფს მონაწილებაშ მეღებათ, ლატარიაშ ლაჸაფით დო შხვა ღონისძიებეფით. ჩქი მითინშე ვეფთხინთ შესაწირავიშ კეთებას. შესაწირავიშ კეთება ანონიმურო ხვადუ (მათე 6:2—4). ჩქინ ვებგვერდის დო პუბლიკაციეფს ვა რე მოჩამილ სარეკლამო მასალეფ.

 იეჰოვაშ მოწმეეფიშ თითოულ კრება ირ თუთას აწარმოენს ფინანსურ ანგარიშის, ნამდგაშ გურშენ ინფორმაციაშ მეღება არძას შეულებ. თითოულ კრებაშ ფინანსურ ჩანაწერეფიშ შემოწმება რეგულარულო ხვადუ, ნამდა შესაწირავშე მეღებულ თანხეფქ გონივრულო იჸუას გიმორნაფილქ (2 კორინთელები 8:20, 21).

•   შესაწირავეფიშ ყუთეფ: თქვა შეილებნა ფარა ვარდა საბანკო ჩეკ ქინაჸათათ შესაწირავეფიშ ყუთეფს, ნამუთ რე იეჰოვაშ მოწმეეფიშ დარბაზეფს, საკონგრესო დარბაზეფს ვარდა ნებისმიერ ადგილს, სოდეთ შეხვალამეფს ოსწრუთ.

•   ელექტრონულ შესაწირავეფ: ბრელ ქიანას შეიოლებერ რე შესაწირავიშ ონლაინ კეთება ჩქინ ვებგვერდის მოჩამილ განყოფილებაშე „გაკეთით შესაწირავ იეჰოვაშ მოწმეეფიშ ორგანიზაციაშო“ შესაწირავიშ კეთება შეილებნა საკრედიტო ბარათით, სადებეტო ბარათით, საბანკო გინორიცხუათ ვარდა შხვა ელექტრონულ საშვალებათ. b ნამთინე იეჰოვაშ მოწმე ირთუთას წინასწარ გინოდვანს ფარას, ნამდა რეგულარულო გაკეთას შესაწირავ ჟიშე გიმოკოროცხილ ნებისმიერ საშვალებათ (1 კორინთელები 16:2).

•   დაგეგმილ შესაწირავეფ: ნამთინე მეთოდით შესაწირავიშ ოკეთებელო წინასწარ დაგეგმება ვარდა იურიდიულ კონსულტაცია რე საჭირო. თე ინფორმაციაშ საშვალებათ შეგალებენა, ისარგებლათ თქვან ქიანას მეღებულ გინაგაფალ სისტემათ. ბრელ ჩქინ თანაქრისტიანს გუმადირთჷ მემკვიდრეობაწკუმა, ანდერძწკუმა ვარდა შხვა თეცალ საკითხეფწკუმა დაკავშირებით ინფორმაციაშ წინასწარ გორუაქ. რთხინთ, წინასწარ დეკავშირათ იეჰოვაშ მოწმეეფიშ ფილიალს, მუჟამსით გინოჭყვიდუნთ, შესაწირავ აკეთათ თუდო გიმოკოროცხილ საშვალებეფით:

  •   საბანკო გინორიცხუა

  •   დაზღვევაშ ვარდა პენსიაშ პოლის

  •   უძრავ ქონება

  •   წილეფ და აქციეფ

  •   ანდერძ დო მინდობილობა

 თქვან ქიანას მეღებულ შესაწირავეფიშ კეთებაწკუმა დაკავშირებით უმოს მეტ ინფორმაციაშ მიოღებელო ქოძირით ვებგვერდის jw.org მოჩამილ განყოფილება „გაკეთით შესაწირავ იეჰოვაშ მოწმეეფიშ ორგანიზაციაშო“.