იეჰოვაშ მოწმეეფ მიგეხვარებნა, მარტივო ქიგეგათ, მუს ოგურუანს ბიბლია. ბიბლიაშ გურაფას შეულებ მიგეხვარან:

•   გიღდან ბედნერ ცხოვრება

•   გინირთათ ღორონთიშ მეგობარო

•   ქიგეგათ, მომავალიშ მუ იმენდის მარზენა ბიბლია

თე სტატიაშე თქვა მიღენთ თიცალ კითხვეფიშ პასუხეფს, მუნერით რე:

•  მუჭო იტარებ ბიბლიაშ გურაფა?

•  ფარა რენო ოგაფალ ბიბლიაშ გურაფაშო?

•  მუზმა ხანს იგრძელებ?

•  მუჭო დიბჭყა?

•  შილებენო დუდშე უბრალოთ გუვამორსე ბიბლიაშ გურაფაშ დოჭყაფა?

•  გურაფა ქიდიბჭყიდა, იშენდოიშენ იეჰოვაშ მოწმეთ ოკო გინიფრთენიო?

•  შილებენო ჩქიმ ბიბლიაშ გიმორნაფა?

•  შილებენო შხვეფ ხოლო ქუდვაპატიჟე?

•  იეჰოვაშ მოწმეეფწკუმა აიშახ ქობგურაფლენდ-და, შილებენო კინ ქიდიბჭყე გურაფა?

•  შემალებენო მასწავლებერიშ უმშო, ჩქიმით დიბგურუე ბიბლია?

 მასწავლებერ მიგეხვარებნა, თემატურო ქიდიგურუათ ბიბლია. წიგნიშ, „მარადიულო გეხარით ცხოვრებათ!“, გიმორნაფათ, ჭიე-ჭიეთ ქიგეგენთ, მუს ოგურუანს ბიბლია დო მუჭო შეულებ თეს თქვან მოხვარა. მეტიშ გაგებელო, ქუჯინით თე ვიდეოს.

 მუშო ოკო რაგად, ვარ. ჩქი მეპჸუნთ მოწაფეეფშა მეჩამილ იესოშ მითითებას: „უფასოთ გაფნა მეღებულ დო შხვას ხოლო უფასოთ გეგნოჩით“ (მათე 10:8). მასწავლებერ ფარას ვეთმოჭოფუნს, თეს გეძინელ, ფარა ვა რე ოგაფალ ვართ ბიბლიაშენ დო ვართ წიგნიშე, „მარადიულო გეხარით ცხოვრებათ!“.

 თე წიგნის 60 დუდ რე. თქვანდა რე დამოკიდებულ მუზმა ხანს გეგრძელებ გურაფა, მარა ბრელშო უჯგუშიქ ქიჸუ, ართ ვარა მუსხირენ დუდიშ გარჩიებაქ ართ მარაშ დინახალე.

1.  1) შეავსით ონლაინ ბლანკ. თექ ინოჭარილ თქვან პირად მონაცემეფს გიმიბრინუანთ ხვალე თქვანწკუმა დაკავშირებელო.

2.  2) მასწავლებერ ქიდგეკავშირებნა. თინა გეინწყუნა, მუს ოკო ელდათ ბიბლიაშ გურაფაშე დო პასუხის ქიმეჩანს კითხვეფს, ნამუთ შილებე გიღდან.

3.  3) მასწავლებერწკუმა ართო დაგეგმენთ ბიბლიაშ გურაფას. გურაფაშ ჩატარება შეილებნა პირადო, ტელეფონით, ვიდეოზარით ვარდა წერილეფით. თითოულ გურაფა, სოდგარენ 1 საათის იგრძელებ, მარა შილებე დროშ მოძინა ვარა მორკება თქვან განრიგშე გამომდინარე.

 მუშო ოკო რაგად, ქო. შეავსით ონლაინ ბლანკ. მუჟამსით მასწავლებერ დეგეკავშირებნა, ქუწით თის, ნამდა დუდშე დიო გისხუნნა გამორსათ ბიბლიაშ გურაფა, თიშ გაგებელო, ქიმგეწონებნა თენა დოვარ. მასწავლებერ გეგმირინუანს ბროშურას „მარადიულო გეხარით ცხოვრებათ!“, სოდეთ მოჩამილ რე წიგნიშ პირველ სუმ დუდ, ნამუთ მიგეხვარებნა თიშ ძირაფას, ქოისხუნნა დოვარ გაგრძელათ ბიბლიაშ გურაფა.

 მუშო ოკო რაგად, ვარ. იეჰოვაშ მოწმეეფს მანგარო ოკონა ხალხის ბიბლიაშ გურშენ ქუდაგურუან, მარა ჩქი დღას ვა ვანძალენთ მითინს ჩქინ რელიგიას ქაკათას. თეშ გინაწონს, ჩქი დიდ პატიცემათ ვოგურუანთ ხალხის ბიბლიას დო თინა ხოლო მარჩქილენა, ნამდა თითოულს უღჷ უფლება, მუთ ოკონ თინა იწამას (1 პეტრე 3:15).

 თქვა შეილებნა ბიბლიაშ ნებისმიერ თარგმანიშ გიმორნაფა, ნამუთ გისხუნნა. მართალ რე, ჩქი მობწონა „ახალ ქვეყნიერებაშ თარგმან“, ნამუთ ზუსტას დო გასაგებო რე თარგმნილ, მარა მარჩქილენა, ნამდა ბრელს უსხუნ, ბიბლიაშ თი თარგმანიშ გიმორნაფა, ნამუთ მოხუჯურ აფჷ.

 მუშო ოკო რაგად, ქო. შეილებნა დაპატიჟათ მთელ ოჯახ ვარდა თქვან მეგბრეფ, მით გოკონა.

 მუშო ოკო რაგად, ქო. ბიბლიაშ გურაფაშ თე მეთოდიქ, შილებე მანგარო მიგეწონან, მუშენდა, ბრელ მუდგარენქ ითირ თიშენ, ნამდა ამდღარ დროშო პრაქტიკულ ქოჸოფედკო. წიგნის მოჩამილ რე თვალსაჩინოებეფ დო ბრელ კითხვეფ, ნამუთ მსჯელობაშ საშვალებას გარზენა.

 მუშო ოკო რაგად, ქო. მართალ რე, ბრელ პიროვნება მასწავლებერწკუმა ართო უმოსის გურაფლენს, მარა ნამთინეს უსხუნ მუშით დიგურუას ბიბლია. ჩქინ ვებგვერდიშ ართ-ართ განყოფილებას, „ბიბლიაშ ოგურაფალ საშვალებეფ“, მოჩამილ რე შხვადოშხვა უფასო საშვალებეფ, ნამუთ მიგეხვარებნა ბიბლიაშ გურაფას. თუდო მოჩამილ რე თენეფშე ნამთინე:

•   ვიდეოეფ ბიბლიაშ გურაფაშო. თე ჭიჭე ვიდეოეფს ენწყუმილ რე შხვადოშხვა ბიბლიურ გურაფეფ.

•   ბიბლიურ კითხვეფიშ პასუხეფი. თე სტატიეფს მოჩამილ რე ბიბლიურ კითხვეფიშ პასუხეფ.

•   ბიბლიურ მუხლეფიშ ენწყუმა. ქოძირით არძაშო ნაჩინებ ბიბლიურ მუხლეფიშ დო ფრაზეფიშ ენწყუმა ქორთულ ნინაშა.