ჰოლოკოსტიშ დროს გერმანიას დო ნაცისტეფიშ ოკუპირებულ ტერიტორიას 35 000 იეჰოვაშ მოწმეშე სოდგარენ 1 500 მოწმექ დოღურ. არძაშ ღურაშ მიზეზ ვა მიჩქნა, მარა უმენტაშიშ არგამა რე. ფაქტეფს ამდღარშახ ირკვიენა დო შილებე ნამთინე დეტალქ უმოს გვიანო გეგმიარგამას.

•  მუჭო ღურეს თინეფქ?

•  მუშენ თხოზუდეს იეჰოვაშ მოწმეეფს?

•  სო ღურეს?

•  ნამთინე იეჰოვაშ მოწმე, მით ღურათ დასაჯეს

•   ღურათ დასაჯება. გერმანიას დო ნაცისტეფიშ ოკუპირებულ ტერიტორიეფს სოდგარენ 400 იეჰოვაშ მოწმე დასაჯეს ღურათ. თინეფშე უმენტაშ გასამართლეს, ღურათ დასაჯეს დო დუდ მეკვათეს. შხვეფ გასამართლებაშ უმშო დორხვეს ვარდა ქიმკაბუნეს.

•   ვეგირზინედუნ ფერ მდგომარეობა ციხეეფს. ნაცისტურ ბანაკეფს დო ციხეეფს 1 000-შე უმოს იეჰოვაშ მოწმექ დოღურ. თინეფს მანგარ რთულ სამუშას არზენდეს, მუშ გურშენით ღურუდეს. თეს გეძინელ, თინეფიშ ღურაშ მიზეზ რდუ წამება, შქირენა, ჩხურ, ლახალა დო აკაბცხა სამედიცინო დახმარება. ნამთინექ, უდუნდებელ მოპყრობაშ გურშენ, გათავისუფლებაშ უკულ ჭიჭე ხანშა დოღურეს.

•   შხვა მიზეზეფ. ნამთინე იეჰოვაშ მოწმე დოჸვილეს გაზიშ კამერას, სამედიცინო ექსპერიმენტეფიშ დროს დო ნამთინეს ხოლო ოჸვილარ ინექცია გუკეთეს.

 ეჰოვაშ მოწმეეფ ართგურო მეჸუნდეს ბიბლიურ გურაფეფს, ათეშენ თინეფს თხოზუდეს. მოწმეეფ დღას ვემიშეს დათმობაშა, მუჟამსით ნაცისტეფ თიცალ მუდგარენიშ კეთებას თხინდეს, მუთ ოწინააღმდეგუდ ბიბლიას. თინეფს გინოჭყვიდილ აფდეს, ადამიანეფშე უმოსო ღორონთის დემორჩილესკო, მუჭოთ მართველს (საქმეები 5:29). ქობძირათ ჟირ მხარე, სოდეთ თინეფქ არგამათ დაფიქსირეს მუნეფიშ პოზიცია.

1.   იცვენდეს პოლიტიკურ ნეიტრალიტეტის. მუჭოთ ამდღა არძა იეჰოვაშ მოწმე თეშ, ნაცისტურ რეჟიმიშ დროს მახორუ იეჰოვაშ მოწეეფ იცვენდეს პოლიტიკურ ნეიტრალიტეტის (იოანე 18:36). თინეფ ვარიას იჩიებდეს:

   •   იდესკო ჯარშა ვარდა ხუჯ ქუდუკინესკო ჩხუპეფს (ესაია 2:4; მათე 26:52).

   •   მონაწილება მიღესკო არჩევნეფს ვარდა ქაკათესკო ნაცისტურ ორგანიზაციეფს (იოანე 17:16).

   •   სვასტიკის სალამ ქიმეჩესკო ვარდა ქუთქუალდესკო „ჰაილ ჰიტლერ!“ (მათე 23:10; 1 კორინთელები 10:14).

2.   თიშ უმკუჯინუო, ნამდა იეჰოვაშ მოწმეეფს აკრძალურ აფდეს რელიგიურ მსახურება, თინეფ იშენით:

   •   ართო იშაყარუდეს, ლოცულენდეს დო თაყვანს ცენდეს ღორონთის (ებრაელები 10:24, 25).

   •   ქადაგენდეს ბიბლიურ ცნობას დო ავრცელენდეს ბიბლიშა გერსხილ პუბლიკაციეფს (მათე 28:19, 20).

   •   გიმირჩქინანდეს მოყვასიშ ჸოროფას, თინეფ შქას ებრაელეფწკუმა ხოლო (მარკოზი 12:31).

   •   ვათმენდეს მუნეფიშ რწმენას დო ხეს ვაჭარანდეს თი დოკუმეტნის, სოდეთ მოჩამილ რდუ რწმენაშ უარყოფა (მარკოზი 12:30).

 პროფესორ რობერტ გერვოს იჩიებ, ნამდა ხვალე იეჰოვაშ მოწმეეფ რდეს „თი ჯგუფ, მიდგაშ წევრეფს მასმა რაიხიშ რეჟიმიშ დროს მუშ რელიგიაშ გურშენ თხოზუდეს“. a საკონცენტრაციო ბანაკიშ პატიმარეფ გაკვირვებულ რდეს, მუჟამსით ორწყედეს თი სიმტკიცეს, ნამდგას იეჰოვაშ მოწმეეფ გიმირჩქინანდეს. ართ ავსტრალიერ პატიმარქ მოწმეეფიშ გურშენ თეცალ მუდგარენ თქუ: „თინეფ ვა მიშეს ოჩხუპეფშა. თინეფს უსხუნდეს დოღურესკო ვინემ შხვა დოჸვილესკო“.

•   საკონცენტრაციო ბანაკეფს. იეჰოვაშ მოწმეეფიშ უმენტაშიქ საკონცენტრაციო ბანაკის ღურ. თინეფ რდეს ოსვენციმიშ, ბუხენვალდიშ, დახაუშ, ფროსენბურგიშ, მაუტჰაუზენიშ, ნეინგამიშ, ნიდერჰაგენიშ, რავენსბრუკიშ და ზაქსენჰაუზენიშ საკონცენტრაციო ბანაკეფს. ხვალე ზაქსენჰაუზენიშ საკონცენტრაციო ბანაკის სოდგარენ 200 იეჰოვაშ მოწმექ ღურჷ.

•   ციხეეფს. ნამთინე იეჰოვაშ მოწმე ციხეს წამებათ ჸვილეს. ნამთინეშ ღურაშ მიზეზიქ დაკითხვეფიშ დროს მანგარო ლახუაქ იჸუ.

•   ღურათ დასაჯებაშ ადგილეფ. იეჰოვაშ მოწმეეფ ღურათ დასაჯეს ბერლინიშ პლეტცენზეშ ციხეს, ბრანდენბურგიშ დო ჰალეშ ციხეეფს. დოკუმენტურ მასალეფიშ მიხედვით არსებენდჷ ხოლო 70 ადგილ, სოდეთ იეჰოვაშ მოწმეეფ ღურათ დასაჯეს.

•  სახელ: ჰელენ გოტჰოლდი

   ღურათ დასაჯებაშ ადგილ: პლეტცენზე (ბერლინი)

   ჰელენ, მიდგას ქომონჯ დო ჟირ ბაღანა ჸუნდჷ, მუსხირენშა ჭოფეს. 1937 წანას ორსულო რდუნ თეშ ართ-ართ დაკითხვაშ დროს, ჰელენ თიშმანწრას ლახეს, ნამდა ბაღანაქ მეშორ. 1944 წანაშ 8 დეკემბერს პლეტცენზეშ ციხეს თის გილიოტინას დუდ მეკვათეს.

•  სახელ: გერჰარდ ლიბოლდი

   ღურათ დასაჯებაშ ადგილ: ბრანდერბურგი

   1943 წანაშ 3 მესის 20 წანერ გერჰარდის დუდ მეკვათეს. ზუსტას ჟირ წანაშ უკულ მუამუშის ხოლო თი ციხეს მეკვათეს დუდ. გერჰარდიქ მუშ ოჯახიშ წევრეფს დო საოსუროს ბოლო წერილ მეჭარჷ: „უფალშე მოჩამილ ძალაშ უმშო, ვეშმალებედ თეშ კეთება“.

•  სახელ: რუდოლფ აუშნერი

   ღურათ დასაჯებაშ ადგილ: ჰალე (ზაალე)

   რუდოლფ დიო ხოლო 17 წანერ რდუ, მუჟამსით დუდ მეკვათეს. თექ 1944 წანაშ 22 სექტემბერს მოხვად. ბოლო წერილს, ნამუთ თიქ დიდას მეჭარ, იჩიებ: „ბრელ ჯიმაქ მიკორთჷ თე შარა დო თენა მა ხოლო შემალებე“.