Izikoa olo araiky manjary pitory, manjary ikeny fa afaka mampiasa fan̈azavan̈a momba izy fikambanan̈a arapivavahan̈a erantaniny Vavolombelon̈o Jehovah, fotony ilainy fikambanan̈a io raha zen̈y. Fiangonan̈any Vavolombelon̈o Jehovah, birôny sampan̈a ndreky fikambanan̈a hafa niny Vavolombelon̈o Jehovah antoeran̈a iô, an̈isany fikambanan̈a io. Baka izy afaka mandray anjara aminy asa arapivavahan̈a mifandray amy fanompoan̈a Zan̈ahary, avio koa baka izy afaka mahazo fan̈ampian̈a arapan̈ahy, amiany pitory io fiangonan̈a fan̈azavan̈a momba izy, karaha raha voakoran̈a amy boky Voalamina mba Hanao ny Sitrapon’i Jehovah.​—1 Petera 5:2.

Mety amiany pitory io fan̈ampiny fan̈azavan̈a momba izy koa Vavolombelon̈o Jehovah aby io, lera izy man̈ano asa arapivavahan̈a hafa. Tafiditry amy fan̈azavan̈a amiany io an̈aranany, daty nitirahany, lelahy izy sa man̈angy, datiny batisanany, adiresinany ndreky nimerony telefoninany, fahasalaman̈anany arapan̈ahy, asa fanompoan̈a ataony, na adraikitrinany an̈ivony Vavolombelon̈o Jehovah. Hita an̈atiny fan̈azavan̈a io raha inoany pitory io, avio mety ho hisy fan̈azavan̈a saropady koa ao. Dikany fampiasan̈a raha momba olo araiky zen̈y, alain̈a fan̈azavan̈a momba izy io, baka io izio akajin̈y, alamin̈y, na raha karakaraha zen̈y.

Ty lalàn̈a momba fiarovan̈a fan̈azavan̈a amy finenena io:

Fitsipiky Momba Fiarovan̈a Fan̈azavan̈a Manokan̈a ndreky Fitsipiky Aminy Ankapobeny Mifehy Fiarovan̈a Fan̈azavan̈a (EU) 2016/679.

Izikoa Lalàn̈a Momba Fiarovan̈a Fan̈azavan̈a io zahan̈a, ikeny pitory io fa ampiasainy Vavolombelon̈o Jehovah amy raha mifandray amy fivavahan̈a raha mombamomba izy, karaha ataony:

• fandraisan̈a anjara amy fivorian̈any fiangonan̈any Vavolombelon̈o Jehovah antoeran̈a iô, ndreky aminy asa antsitrapo;

• fahafahan̈a mandray anjara amy fivorian̈a avio fivoriambe alain̈y feo ndreky sary, indesin̈y hampianaran̈a Vavolombelon̈o Jehovah erantany;

• fan̈atantirahan̈a fanendrena na andraikitry amy fiangonan̈a. Tafiditry amy zen̈y ziô soratin̈y amy tablo misy filazan̈a amy tran̈o fivorian̈any Vavolombelon̈o Jehovah an̈arany pitory io ndreky fanendrena nazony;

• fitanan̈a karty Firaketana ny Fanompoan’ny Mpitorin’ny Fiangonana;

• fikarakaran̈a arapan̈ahy ataony antipan̈ahiny Vavolombelon̈o Jehovah (Asan’ny Apostoly 20:28; Jakoba 5:14, 15);

• fitanan̈a raha mombamomba olo mety kahian̈a koa fa misy problemo.

Akajinay fan̈azavan̈a momba olo araiky, an̈atiny fotoan̈a han̈atantirahan̈a raha voakoran̈a an̈abo aby io, na izikoa misy antony aradalàn̈a hafa tokony hikajianan̈a iro io. Izikoa pitory io tsy man̈eky han̈ano sin̈e taratasy Fampahafantarana sy Fanekena ny Hampiasana ny Mombamomba Ahy io, mety tsy ho afaka man̈ano andraikitry sasany an̈ivony fiangonan̈a izy, na tsy afaka mandray anjara aminy asa arapivavahan̈a sasany.

Mety hamian̈a fikambanan̈any Vavolombelon̈o Jehovah hafa koa raha mombamomba olo araiky izikoa raha zen̈y ilain̈a, baka io atao arakany tokony ho izy raha zen̈y. Hainy pitory koa fa mety antany hafa tany misy fikambanan̈any Vavolombelon̈o Jehovah hafa io, ke mety tsy hitovy amy lalàn̈a momba fiarovan̈a fan̈azavan̈a amy tany misy izy, lalàn̈a amy firenena hafa aby io. Hainy koa fa han̈aja Fan̈ikiany Vavolombelon̈o Jehovah Tsy Han̈aboely Fan̈azavan̈a Amezanao lan̈iany mahazo fan̈azavan̈a momba izy, an̈isanizen̈y fikambanan̈a amy foibeny Vavolombelon̈o Jehovah a Etazonỳ an̈y.

Zony pitory mizaha fan̈azavan̈a momba izy amy Vavolombelon̈o Jehovah ndreky mangataka han̈ajanonan̈a fikarakaran̈a momba izio, ke han̈itsy ny diso amizio ao. Zonany koa mangataka fan̈asiavan̈a erany fomba hampiasan̈a fan̈azavan̈a momba izy. Na ombian̈a na ombian̈a, pitory araiky afaka tsy man̈eky fampiasan̈a fan̈azavan̈a momba izy amy raha sasany eky. Izikoa tsy ikeny pitory io eky fampiasan̈a raha sasany momba izy, mety mbala ho afaka hampiasainy Vavolombelon̈o Jehovah fo fan̈azavan̈a hafa momba izy. Vavolombelon̈o Jehovah manan̈a antony aradalàn̈a han̈anaovan̈a zen̈y, fotony izio mikarakara ndreky mikajy fan̈azavan̈a momba Vavolombelon̈o Jehovah erantany, na koa man̈ambela izio han̈ano zen̈y lalàn̈a an̈atiny Lalàn̈a Momba Fiarovan̈a Fan̈azavan̈a. Hainy pitory koa fa izy manan̈a zo hitarain̈y amy manampahifan̈a momba fiarovan̈a fan̈azavan̈a amy tamy misy izy.

Vavolombelon̈o Jehovah mangala fepetra isankarazany, hiarovan̈a fan̈azavan̈a nazo momba olo. Fepetra aby zen̈y mifan̈araka tsara amy Lalàn̈a Momba Fiarovan̈a Fan̈azavan̈a. Hainy pitory fa olo vitsy sady nahazo alalan̈a amy zen̈y fo afaka mahita fan̈azavan̈a namiany aby io, baka hahavitan̈a raha avoakoran̈a tio aby in̈y.

Mety alefa e-mail aminy adiresy misoratra ambany io fan̈ontanian̈a ndreky fangatahan̈a jiaby atao amy tompinandraikitriny fiarovan̈a fan̈azavan̈a:

DataProtectionOfficer.ES@jw.org.

Hainy pitory fa raha momba pikarakara fan̈azavan̈a amy tany misy izy, hita aminy Adiresy Momba Fiarovan̈a Fan̈azavan̈a, amy jw.org ao. Mety ho hita ao koa raha mombamomba solonten̈any pikarakara fan̈azavan̈a ndreky niny topinandraikitriny fiarovan̈a fan̈azavan̈a, niny tany sasany.

Ndraikindraiky, mety hiova fomba hikarakaranay fan̈azavan̈a, izikoa miova asa arapivavahan̈a ataonay, miova lalàn̈a misy, na koa mivoatra teknolozy. Izikoa ilain̈y man̈avao Fampiasan̈a Raha Momba Anao ty, alifasa amy pazy ty zen̈y, amy zen̈y ho hainy pitory fo ino fan̈azavan̈a momba izy ilainay, avio aminino hampiasanay fan̈azavan̈a io. Zahava matetiky pazy ty izikoa misy fan̈ovoan̈a.