Olo araiky koa fa manjary mpitory, ikeny fa fikambanan̈a ara-pivavahan̈a eran-tanin’ny Vavolombelon̈on’i Jehovah mahazo mampiasa fan̈azavan̈a mikasiky izy, fôtony raha zen̈y ilain’ny fikambanan̈a io. Tafiditry amy fikambanan̈a io fivavahan’ny Vavolombelon̈on’i Jehovah a Kolombia, fiangonan̈an’ny Vavolombelon̈on’i Jehovah an-toeran̈a, aviô birôn’ny sampan̈a ndreky fikambanan̈a hafa nin’ny Vavolombelon̈on’i Jehovah. Mifan̈araka amy raha koran̈in’ny boky Voalamina mba Hanao ny Sitrapon’i Jehovah, amezan’ny mpitory fiangonan̈a raha mombamomba izy, baka izy mahazo man̈ano asa ara-pivavahan̈a mifandray amy fanompoany Zan̈ahary ndreky mahazo fan̈ampian̈a ara-pan̈ahy.​—1 Petera 5:2.

An̈isan’ny raha mombamomba olo araiky an̈aranany, daty nitirahany, lelahy izy sa man̈angy, datin’ny batisanany, adiresy ndreky telefoninany, fahasalaman̈anany ara-pan̈ahy, asa fanompoan̈a ataony, andraikitrinany amy Vavolombelon̈on’i Jehovah, na fan̈azavan̈a hafa amezany, izikoa izy man̈ano asa ara-pivavahan̈a hafa. Hita amy fan̈azavan̈a zen̈y raha inoan’ny mpitory io, aviô mety hisy fan̈azavan̈a saro-pady mety hifidiny hamezan̈a koa ao, karaha ataon’ny raha momba fahasalaman̈anany, resaka firaisan̈a, na momba zaza tsy ampy taon̈o. Dikan’ny fampiasan̈a raha mombamomba olo araiky zen̈y, alain̈a izio, alamin̈y, akajin̈y ndreky raha hafa mety atao miramira amy zen̈y.

Ty Lalàn̈a Momba Fiarovan̈a Fan̈azavan̈a amy firenena io:

Lalàn̈a Momba Fiarovan̈a Fan̈azavan̈a (Didy Laharan̈a Faha-1581 tamin’ny 2012) ndreky didim-pitondrana mifandray amizio.

Ke mifan̈araka amy Lalàn̈a Momba Fiarovan̈a Fan̈azavan̈a io, fan̈azavan̈a amezan’ny mpitory io ampiasain’ny Vavolombelon̈on’i Jehovah amy raha aby misy ifandraisany amy fivavahan̈a aby ty:

• fikarakaran̈a ndreky fitantan̈ana fivavahan̈an’ny Vavolombelon̈on’i Jehovah

• fandraisan̈a anjara amy fivorian̈an’ny fiangonan̈an’ny Vavolombelon̈on’i Jehovah

• fahafahan̈a mandray anjara amy fivorian̈a na fivoriambe alain̈a feo ndreky sary, baka hampianaran̈a Vavolombelon̈on’i Jehovah eran-tany

• fan̈atantirahan̈a anjara na andraikitry amy fiangonan̈a ao, an̈atin’izen̈y an̈aran’ny mpitory ndreky anjaranany hita amy tablô misy filazan̈a amy Tran̈o Fivorian’ny Vavolombelon̈on’i Jehovah ao

• fikajian̈a karty Firaketana ny Fanompoan’ny Mpitorin’ny Fiangonana

• fikarakaran̈a ara-pan̈ahy ataon’ny anti-pan̈ahin’ny Vavolombelon̈on’i Jehovah (Asan’ny Apostoly 20:28; Jakoba 5:14, 15)

• fan̈azavan̈a mombamomba olo mety kahian̈a izikoa misy raha tsy ampoizin̈y avoa mpitory io

Hakajinay fo fan̈azavan̈a momba olo araiky, an̈atin’ny fotoan̈a han̈atantirahan̈a raha jiaby avoakoran̈a an̈abo io, na misy antony ara-dalàn̈a hafa koa tôkony hikajianan̈a izy. Izikoa misy mpitory mifidy tsy han̈ano sin̈e taratasy hifinoan̈a Fampahafantarana sy Fanekena ny Hampiasana ny Mombamomba Ahy ndreky tsy man̈amia lalan̈a hampiasan̈a raha momba izy, mety ho hitan’ny Vavolombelon̈on’i Jehovah fa izy tsy mahazo man̈ano andraikitry sasany amy fiangonan̈a, na tsy mahazo man̈ano asa ara-pivavahan̈a sasany.

Asa ataon’ny Vavolombelon̈on’i Jehovah io atao eran-tany. Ke mety halefa na hakajin̈y amy firenena hafa an̈y koa raha mombamomba mpitory io. Tsy voatery ho mira amy lalàn̈a amy firenena nialan’ny fan̈azavan̈a io lalàn̈a momba fiarovan̈a fan̈azavan̈a amy firenena aby zen̈y, fa mety ho hafa foeky. Izikoa karaha zen̈y firenena handifasan̈a fan̈azavan̈a momba anao io, efa misy fepetra raisin’ny Vavolombelon̈on’i Jehovah, baka ho azo antoko tsarabe fa voaro fo fan̈azavan̈a alefa io. Lan̈iany Fikambanan̈a Ara-pivavahan̈an’ny Vavolombelon̈on’i Jehovah eran-tany mangala fan̈azavan̈a io, hampiasa izio mifan̈araka amy Fan̈ikian’ny Vavolombelon̈on’i Jehovah Tsy Han̈aboely Fan̈azavan̈a Amezanao.

Mpitory araiky manan̈a zo hizaha fan̈azavan̈a momba izy amy Vavolombelon̈on’i Jehovah an̈y ndreky mangataka han̈afoan̈a, hametry ndreky han̈ajanon̈o fikarakaran̈a izio ndreky man̈itsy ny diso ao. Zonany koa mangataka porofon’ny fazahoan̈a lalan̈a namian̈a izy ndreky han̈amia na tsy han̈amia fan̈azavan̈a saro-pady na fan̈azavan̈a momba zaza tsy ampy taon̈o. Ke izikoa tsy najain̈a lalàn̈a ndreky zo ndreky antoko amy fikarakaran̈a izio, tompin’ny fan̈azavan̈a io mahazo tsy man̈eky hampiasan̈a fan̈azavan̈a mikasiky izy na mangataka hamafan̈a izio, na ombian̈a na ombian̈a. Izikoa tsy iken’ny mpitory eky hampiasan̈a raha mombamomba izy na izikoa izy mangataka fa hifafan̈a raha mombamomba izy, mety mbala ho afaka hampiasa fan̈azavan̈a sasany momba izy fo Vavolombelon̈on’i Jehovah, fôtony manan̈a antony ara-pivavahan̈a han̈anaovan̈a zen̈y, na fôtony Lalàn̈a Momba Fiarovan̈a Fan̈azavan̈a man̈ambela irô han̈ano zen̈y. Hain’ny mpitory fa izy manan̈a zo hitarain̈y amy Mpan̈ara-maso Industrie Ndreky Varotro a Kolombia an̈y.

Vavolombelon̈on’i Jehovah mangala fepetra isan-karazany hiarovan̈a fan̈azavan̈a azondrô momba olo. Fepetra aby zen̈y mifan̈araka amy Lalàn̈a Momba Fiarovan̈a Fan̈azavan̈a fo. Hain’ny mpitory fa olo vitsy nahazo lalan̈a fo mahita fan̈azavan̈a amezany, han̈anaovan̈a raha aby nikoran̈iny taloha tiô in̈y.

Fangatahan̈a jiaby atao amy tompin’andraikitry amy fiarovan̈a fan̈azavan̈a io, mety alefa e-mail amy:

DataProtectionOfficer.CO@jw.org

Hain’ny mpitory fa hita amin’ny adiresy ty Adiresy Momba Fiarovan̈a Fan̈azavan̈a amy jw.org, raha mombamomba mpikarakara fan̈azavan̈a amy tany misy izy. Nin’ny tany sasany, mety ho hita ao koa solonten̈an’ny mpikarakara fan̈azavan̈a ndreky tompin’andraikitrin’ny fiarovan̈a fan̈azavan̈a.

Izikoa mpitory araiky tihandefa demandy, demandinany mila ataony dika mitovy antsendriky, aviô mila irahiny hamarin̈in’ny notaire raha io. Baka iô, izio tôkony hataony scan, aviô halefany miaraka amin’ny adiresy e-mail hamalian̈a hafatra io. Izikoa misy raha ten̈a ilain̈a kanefa tsy hita tamy demandy io, hahazo hafatra olo io an̈atin’ny dimy andra (andra fiasan̈a) fa demandinany mila finoany an̈atin’ny fanjava aroe faran’ny tara, fa izikoa tsy zen̈y, hatao mira raha efa nadosony in̈y demandinany io. Izikoa fa feno ndreky voamarin̈y tsara demandy io, hahazo valiny an̈atin’ny folo andra (andra fiasan̈a) olo io, izikoa fan̈ontanian̈a raha io tao. Fa izikoa ndraiky izio fitarain̈ana, izy hahazo valiny an̈atin’ny 15 andra (andra fiasan̈a). Samy mety ankalavain̈y fotoan̈a aby io, na arakarakan’ny raha efa niferin’ny lalàn̈a manan-kery.

Ndraikindraiky mety hiova fomba ikarakaranay fan̈azavan̈a izikoa miova asa ara-pivavahan̈a ataonay, lalàn̈a misy, na fampiasan̈a teknolozy. Izikoa ilain̈a man̈avao Fampiasan̈a Raha Mombamomba Anao ty, halefanay amy pazy ty fo raha zen̈y, baka ho hain’ny mpitory fo fan̈azavan̈a alainay momba izy ndreky fomba ampiasanay izio. Ke zahava matetitetiky fo pazy ty tsao fo efa nisy raha niova.