FIFAN̈IKIAN̈A MOMBA FAMPIASAN̈A RAHA MOMBAMOMBA ANAO

Navaozin̈y Tamy 15 May 2020

FAMPIASAN̈A RAHA MOMBAMOMBA ANAO

Ankamarozany raha hita amy tranonkala ty ato afaka zahavanolo jiaby. Izikoa anao han̈ano zen̈y, anao tsy voatery miditry amy konty manokan̈a na han̈amia raha mombamomba anao. Afaka mahita raha sasany ndraiky lan̈iany manan̈a konty, dikanizen̈y lan̈iany mandefa fangatahan̈a na man̈ano komandy, na olo nampidiriny fiangonan̈any Vavolombelon̈o Jehovah tamy jw.org tao raha mombamomba izy. Karakarainy fan̈azavan̈a momba anao fotony anao efa nan̈eky raha zen̈y. Fa izikoa ndraiky efa tsy ikenao eky zahay hikarakara fan̈azavan̈a momba anao, mety mbala karakarainay fo izio izikoa takiny lalàn̈a han̈anaovan̈a raha zen̈y.

Lan̈iany fan̈azavan̈a nampidirinao tan̈aty tranonkala ty ato tsy hampiasain̈y, izikoa tsy aminy antony nivolan̈inao taminy anao nampiditry izy tato in̈y fo. Tafiditry aminy antony zen̈y iro ty:

Konty. Adiresy e-mail nampidirinao taminy anao namoron̈o konty ty mety hampiasainay hifandraisan̈a aminao. Izikoa ohatra adin̈anao solony an̈aran̈anao na mot de passe nao ke mila fan̈ampian̈a amy fidiran̈a amy kontinao anao, zahay handefa mesazy aminy adiresy e-mail nampidirinao in̈y han̈ampian̈a anao.

Fangatahan̈a. Izikoa anao mahafeno fepetra mifan̈araka amy raha inoany Vavolombelon̈o Jehovah ndreky amy fomba fiasany, anao afaka mampiasa tranonkala ty han̈abiafan̈a konty na handifasan̈a fangatahan̈a. Afaka mampiasa izity koa fiangonan̈a misy anao, izikoa fa handefa fangatahan̈anao han̈ano asa arapivavahan̈a. Mety anao na antipan̈ahy aminaro ao na piandraikitry faritrinaro hampiditry fan̈azavan̈a momba anao amy fangatahan̈anao io ao ndreky handefa izio. Fan̈azavan̈a azonay io hampiasainay amy fikarakaran̈a ndreky fandinihan̈a fangatahan̈anao io fo ndreky amy fandaminan̈a fomba fiasa, fa tsy amy raha hafa. Izio ohatra, mety ampiasainay izikoa anao fa hamoron̈o fijakian̈a raha mombamomba anao, han̈anaovan̈a fangatahan̈anao io. Mety halefanay amy sampan̈a hafa, na amy foibeny Vavolombelon̈o Jehovah, na amy fikambanan̈a hafa niny Vavolombelon̈o Jehovah amy firenena samihafa fan̈azavan̈a amy fangatahan̈a alefanao io, izikoa ilain̈y raha zen̈y. Ndray karakory ndray karakory, zahavanay tsiaraikiaraiky fangatahan̈a azonay baka io tsy voatery hitovy fo valiny.

Fan̈amezan̈a. Ilainay an̈aran̈anao ndreky raha mombamomba anao izikoa anao fa man̈ano fan̈amezan̈a arabola baka aminy Internet. Tranonkala azo antoko pikarakara fan̈ifan̈a vola miaraka miasa aminay, amy zen̈y azonay fan̈amezan̈a ataonao baka amy karty fan̈ifan̈a vola. Fiarovan̈a ampiasainy tranonkala aby io ndreky fifan̈ikian̈a ataony momba raha sekire, azo atokisan̈a tsarabe. Zahay mety hahazo fan̈azavan̈a momba kontinao mba hahafahanay mikarakara fan̈amezan̈anao. Mety ho azonay, ohatra, nimerony kartinao na nimerony kontinao. Alefanay amy tranonkala pikarakara fan̈ifan̈a vola aby io lan̈iany fan̈azavan̈a ilainy. Zahay mampiasa Payment Card Industry Data Security Standard (“PCI DSS”) hiarovan̈a fan̈amezan̈a amezanao. Ajarisinay an̈atiny folo taon̈o, farany hely, fan̈azavan̈a momba fampindramambola, an̈isanizen̈y daty nan̈anaovan̈a fan̈amezan̈a, vola namezan̈a, ndreky karazan̈a fan̈amezan̈a natao. Zahay man̈ano raha zen̈y fotony zen̈y raha tsy maintsy atao izikoa fa mikarakara konty sady baka amy zen̈y koa hahavitanay mamaly fan̈ontanian̈anao an̈atiny fotoan̈a io. Zahay efa tsy hangataka fan̈amezan̈a fan̈ampiny.

Fangatahan̈a Fan̈azavan̈a Fan̈ampiny na Fangatahan̈a Hianatra Baiboly. Anao koa afaka mandefa fangatahan̈a baka amy tranonkala ty izikoa anao mila fan̈azavan̈a fan̈ampiny na izikoa anao tihianatra Baiboly. Tsy man̈efa mianatra izio. Fan̈azavan̈a momba anao io tsy ampiasainay amy raha hafa, fa amy fikarakaran̈a raha nangatahinao io fo. Raha mombamomba anao io mety halefanay amy sampan̈a hafa na amy fikambanan̈a hafa ampiasainy Vavolombelon̈o Jehovah, izikoa mila zen̈y fangatahan̈a io.

Antony hafa. Ankoatrany hamoron̈ana konty, handifasan̈a fangatahan̈a, na han̈anaovan̈a fan̈amezan̈a, mety misy antony hafa koa hahavy anao mety handefa raha mombamomba anao (karaha ataony an̈aran̈anao, adiresinao, na nimerony telefoninao). Ke izikoa misy antony hafa ilavan̈a zen̈y, tsy maintsy hambaranay anao fo. Izikoa misy raha hafa tsy nivolan̈inay taminao taminy anao nan̈amia raha mombamomba anao io, fan̈azavan̈a namezanao in̈y tsy hampiasainay amy zen̈y foeky.

Raha mombamomba anao io alainay ndreky akajinay baka io ampiasainay hamitan̈a raha nandifasanao izy taminay tatỳ, ndreky mandrapivitanizio. Akajinay koa fan̈azavan̈a io izikoa misy antony aradalàn̈a tokony an̈akajian̈a izy. Izikoa misy fan̈azavan̈a sasany tsy amianao kanefa hangatahinay aminao, mety misy raha sasany amy tranonkala ao tsy hitanao na mety tsy ho afaka hamaly fangatahan̈anao zahay.

Afaka mahita fan̈azavan̈a namezanao tan̈atiny fangatahan̈a nataonao io olo mikarakara izio ndreky/na teknisiain pikarakara programo io ndreky mampandefa izio. Raha mombamomba anao tsy amezanay olo foeky, izikoa tsy 1) ten̈a ilain̈y izio hamalian̈a fangatahan̈anao ke efa nivolan̈inay taminao zen̈y; 2) na zahay mino tanteraka fa ten̈a ilain̈y izio han̈arehan̈a lalàn̈a; 3) na izio angatahiny manampahifan̈a; 4) na izio ilain̈y hahaizan̈a ndreky hiarivan̈a fan̈anaovan̈a fraody na problemo tekniky. Matoa anao mampiasa tranonkala ty dikanizen̈y ikenao fa azonay amezan̈a olo hafa raha mombamomba anao, nohony antony aby nivolan̈iiny tio aby in̈y fo. Tsy alafonay, na atakalonay, na afondronay foeky raha mombamomba anao aby io na karakory na karakory.

FAMINDRAN̈A FAN̈AZAVAN̈A MANDEHA ANTANY HAFA

Fikambanan̈a arapivavahan̈anay ty miasa erantany. Baka amy fikambanan̈a amy tany samihafa hahavitany raha zen̈y. A Etazonỳ an̈y misy serveurs sasany mampiantran̈o tranonkala ty. Mety hafindranay amy firenena ambelany tany misy anao fan̈azavan̈a amezanao io. Tsy voatery hitovy lalàn̈a momba fiarovan̈a fan̈azavan̈a amy firenena aby io ndreky amy tany misy anao an̈y. Efa misy fepetra alain̈y baka ho voaro fo raha mombamomba anao, izikoa fa karakarain̈y na afindra izio. Zahay mino fa fikambanan̈a jiaby hampiasainy Vavolombelon̈o Jehovah ndreky fikambanan̈a manohan̈a asanany io han̈araka fifan̈ikian̈a apetrakanay momba fiarovan̈a fan̈azavan̈a, sady han̈aja lalàn̈a ndreky fitsipiky miaro fan̈azavan̈a momba olo araiky.

Matoa anao mitsidiky tranonkala ty ndreky mandefa fan̈azavan̈a amy forma elektroniky aminay atỳ, dikanizen̈y ikenao fa mety halefa amy tany hafa raha mombamomba anao.

ZONAO

Lera zahay mampiasa fan̈azavan̈a momba anao, ataonay marin̈y tsara ndreky ataonay azo antoko fa fan̈azavan̈a farany nalainay hamitan̈a antony nangalan̈a izy io. Lalàn̈a momba fiarovan̈a fan̈azavan̈a io miovaova arakaraka firenena. Izikoa anao efa nandefa raha mombamomba anao aminay atỳ, anao mety ho afaka han̈ano raha aby ty, arakaraka firenena misy anao:

● Anao afaka man̈ontany momba antony hangalan̈a ndreky hampiasan̈a fan̈azavan̈a momba anao, mifan̈araka amy lalàn̈a amy toeran̈a io;

● Anao afaka mangataka hizaha, han̈itsy, hamafa, na hamody raha mombamomba anao izikoa fan̈azavan̈a io misy tsy ampy na misy diso;

● Anao afaka tsy man̈eky izikoa fa karakarain̈y raha mombamomba anao, baka io afaka mivolan̈a fa izio tsy mahazo kitihin̈y eky, izikoa misy antony aradalàn̈a mahavy anao mangataka zen̈y.

Izikoa misy lalàn̈a momba fiarovan̈a fan̈azavan̈a amy firenena misy anao ke anao tihizaha na han̈itsy na hamafa raha mombamomba anao, zahava aminy webpubdl://?docid=1011512&track=1&langwritten=E&fileformat=PDFAdiresy Momba Fiarovan̈a Fan̈azavan̈a fomba ifandraisan̈a amy tomponandraikitry.

Anao mila mandefa fangatahan̈a antsoratra, baka io man̈amia fan̈azavan̈a ndreky porofo ampy tsara, baka hahaizan̈a ndreky hahitan̈a azovy anao. Hidinihiny pikarakara fan̈azavan̈a baka io asa mety iken̈y na tsy mety fangatahan̈anao hizaha na han̈itsy na hamafa fan̈azavan̈a momba olo araiky io, ke iritriretiny tsara tombony mety ho azony pan̈ano fangatahan̈a ndreky fikambanan̈a io. An̈isany raha dinihiny koa asa mety hisy vokany amy fikambanan̈a io izio. Izikoa misy fan̈ovoan̈a mila hatao, volan̈inay koa iro olo hafa miaraka miasa aminay.

Tadidia fa mety tsy ho voafafa fan̈azavan̈a momba anao io izikoa takiny lalàn̈a hikarakaran̈a izio, na izikoa misy lalàn̈a hafa mahavy zahay mety afaka man̈akajy izio. Tokony hakajiny fikambanan̈a arapivavahan̈a io fo ohatra, fan̈azavan̈a momba olo araiky Vavolombelon̈o Jehovah. Ke izikoa fafàn̈a fan̈azavan̈a momba izy, manjary tsy man̈aja raha inoany fikambanan̈a io ndreky fomba fiasany raha zen̈y. Fangatahan̈a hamafa raha mombamomba olo araiky io tokony hatao mifan̈araka amy lalàn̈a misy, na amy raha takiny programo pikajy izio. Anao afaka mitarain̈y amy manampahifan̈a momba fiarovan̈a fan̈azavan̈anao io, izikoa tsy azoazonao fomba hikarakaran̈a fan̈azavan̈a nampidirinao tan̈atiny tranonkala ty tato.