Vola ma Fototrony Raha Ratsy Jiaby?
Valiny baka amy Baiboly
Aha. Baiboly tsy mivolan̈a foeky fa vola ratsy ndreky izio mahavy raha ratsy jiaby. “Fototrony raha ratsy jiaby” zen̈y zisty fomba fivolan̈ana mahazatra nalain̈a baka tamy Baiboly fo. Fa izio fo misy tsy ampy hely. Karaha ty raha ten̈a tiany Baiboly koran̈iny: “Fitiavambola an̈isany fototro karazan̈a raha ratsy jiaby. a—1 Timoty 6:10.
Andininy io koa mety hadikanolo karaha ty: “Fitiavambola ... io an̈isany fototrony karazandraha ratsy jiaby amy donia ty.”
Ino ma raha koran̈iny Baiboly momba vola?
Nan̈ino ma Baiboly mampitandrin̈y atsika amy fitiavambola?
Nan̈ino mahatsara atsika man̈araka torohevitriny Baiboly momba vola?
Toko sy andininy mikoran̈a momba vola
Ino ma raha koran̈iny Baiboly momba vola?
Baiboly mivolan̈a fa vola io koa ampiasain̈a amy fomba tsara, izio ten̈a ilain̈a sady “fialokalofan̈a” foeky. (Mpitoriteny 7:12) Baiboly koa midera olo tia man̈amia raha olo, ke vola io mety an̈isany raha amezan̈a olo.—Ohabolana 11:25.
Baiboly koa mampitandrin̈y fa tsy vola raha tokony hatao farany maventy amy fiain̈ana. Karaha ty koran̈iny ao: “Irarian̈a fomba fiain̈ananaro tsy ho hisy fitiavambola; mahaiza afapô amy raha anan̈anaro.” (Hebreo 13:5) Ke atsika mila mahay mipezipezy amy fitadiavan̈a vola avio tsy tokony hamono ten̈a hitady harian̈a. Tokony ho afapo amy raha ten̈a ilaintsika atsika, karaha ataony hanin̈y, lamba ndreky tran̈o ipitrahan̈a.—1 Timoty 6:8.
Nan̈ino ma Baiboly mampitandrin̈y atsika amy fitiavambola?
Olo tsy mety afapo amy raha anan̈any tsy hahazo fiain̈ana tsisy farany. (Efesianina 5:5) Mbala fanompoan̈a sampy ndreky fivavahan̈a diso baka zen̈y. (Kolosianina 3:5) Olo araiky koa fa mamono ten̈a mitady raha iriny, matetiky izy tsy man̈araka lalàn̈a. Koran̈iny Ohabolana 28:20 ao fa ‘olo setry tiho pan̈arivo tsy hidoko ho tsisy tsin̈y.’ Nata iro mety hanjary pandrava, pikatramo olo, dahalo, na hamono olo.
Nata olo araiky tsy hanjary karaha zen̈y izikoa fa tia vola loatra, izio tsy maintsy hisy vokany aminany fo. Baiboly mivolan̈a fa “zay olo tapakevitry hanjary pan̈arivo, izy latsaka amy fandriky ndreky fan̈irian̈a tsisy antony sady mandrobaka.”—1 Timoty 6:9.
Nan̈ino mahatsara atsika man̈araka torohevitriny Baiboly momba vola?
Ino ma dikanizen̈y? Jesosy taminio vo baka nitaon̈o manafolahy araiky pan̈arivo, han̈araka izy. Tsy tindriny lelahy io fanan̈ananany ke izy tsy nety. Ke Jesosy iô nampitandrin̈y fa izikoa fanan̈ana raha ten̈a maventy aminolo araiky tozay Zan̈ahary, izy mety tsy hahazo fiain̈ana tsisy farany.
a Andininy io koa mety hadikanolo karaha ty: “Fitiavambola ... io an̈isany fototrony karazandraha ratsy jiaby amy donia ty.”
Mety ho Tianao Koa
RAHA AMPIANARINY BAIBOLY
Man̈ohara Mianatra Baiboly Aminay
Mangalà fianaran̈a Baiboly miaraka amy fan̈azavan̈a araikiaraiky momba fan̈anaovan̈a izio.