Misy Volan̈a Mety Hankahery Zaho ma An̈atiny Baiboly Io?
Valiny baka amy Baiboly
Ia. (Romanina 15:4) Maro olo niatriky raha sarotro ndreky kivy, kanefa iro nahazo fankahirezan̈a izikoa fa namaky Baiboly. Zahava baka sasany amy toko sy andininy nankahery iro zen̈y.
Amy lahatsoratra ty
Koa fa misy raha manahiran̈a
Salamo 23:4: “Zaho ndray mamakivaky vavasaha mahiziky mare, tsisy raha havozoako, fotony anao miaraka aminaka.”
Ino ma dikanizen̈y? Izikoa anao mivavaka amy Zan̈ahary ndreky mitady taridalan̈a baka amy Baiboly, anao hanjary hisy korazy koa fa tojy raha sarotro.
Filipianina 4:13: “Baka aminy araiky man̈amia angovo zaho in̈y mahavy zaho manan̈a angovo hindesin̈y hiatriky zay raha miboaka.”
Ino ma dikanizen̈y? Amezany Zan̈ahary anao angovo hindesinao hiatriky raha manahiran̈a.
Lera maty havan̈a
Mpitoriteny 9:10: “Anao koa fa avy amy Fasan̈a handihananao an̈y, efa tsisy asa na eritreritry na fahaizan̈a na fisiany jery eky.”
Ino ma dikanizen̈y? Tsy mijaly olo maty, avio iro tsy afaka mampijaly atsika. Tsisy raha vitandro foeky.
Asan’ny Apostoly 24:15: “Zaho man̈anten̈a Zan̈ahary, ... fa olo marin̈y ndreky tsy marin̈y samby mbala hivilomin̈y.”
Ino ma dikanizen̈y? Vitany Zan̈ahary mamelon̈o iro havantsika ndreky namantsika efa naty aby in̈y.
Izikoa fa man̈ameloten̈a dila loatra
Salamo 86:5: “Anao baka Jehovah a tsara toetry ndreky vôn̈ono han̈ambela hadisovan̈a! Anao be fitiavan̈a sady tsy mivadiky aminolo jiaby mikaiky anao.”
Ino ma dikanizen̈y? Izikoa olo araiky manen̈iny ankitin̈y amy raha ratsy vitany ke tapakevitry tsy han̈ampody izin̈y eky, Zan̈ahary von̈ono han̈ambela hadisovan̈anany.
Salamo 103:12: “Mira halavirany antin̈iana ndreky andrefa an̈adosoany fahotan̈antsika lavitry atsika.”
Ino ma dikanizen̈y? Zan̈ahary koa fa man̈ambela hadisovan̈antsika, mira ariany lavitry atsika hadisovan̈antsika in̈y. Efa tsy hampatsiaroviny atsika eky raha zen̈y avio izy tsy han̈asazy atsika tsy mahaivita baka amizin̈y.
Lera misy raha mampalahelo
Salamo 31:7: “Hitanao raha mampijaly zaho; hainao irifiriny fahorian̈a mahazo zaho.”
Ino ma dikanizen̈y? Zay raha mampiôry anao hitany Jehovah aby. Hainy raha tsapanao an̈atiny fônao lalin̈y an̈y, ndray tsy tsapanolo raha zen̈y.
Salamo 34:18: “Jehovah marikitry olo torotoro fô, ary izy mamonjy lan̈iany olo kivy.”
Ino ma dikanizen̈y? Zan̈ahary mampan̈anten̈a fa izy han̈ampy anao, izikoa misy raha mampalahelo anao. Vitany man̈amia angovo indesinao miatriky izio.
Lera marary
Salamo 41:3: “Jehovah hanohan̈a izy amy fandrian̈a arariany.”
Ino ma dikanizen̈y? Izikoa anao marary mare, Zan̈ahary mahavita man̈ampy anao hilamintsain̈y, avio amezany angovo koa anao ndreky fahendrena han̈ampy anao han̈ano fanapahankevitry tsara.
Isaia 33:24: “Tsisy aminolo mipetraka ao hivolan̈a: ‘Zaho zen̈y marary ay.’”
Ino ma dikanizen̈y? Mampan̈anten̈a Zan̈ahary fa ho avy fotoan̈a ho salama tsara olo jiaby.
Koa fa miasaloha mare
Salamo 94:19: “Izikoa fa nahainaro raha nampiasaloha zaho, anao nankahery zaho ndreky nampilamin̈y fônaka.”
Ino ma dikanizen̈y? Izikoa anao mitavandra Zan̈ahary lera anao an̈atiny asaloha mare in̈y, izy han̈ampy anao ke hilamin̈y fônao ndreky sain̈inao.
1 Petera 5:7: “Apitraha aminany koa raha jiaby mampiasaloha anaro, fotony izy mikarakara anaro.”
Ino ma dikanizen̈y? Izikoa fa misy raha mampijaly anao, Zan̈ahary ten̈a mikarakara anao. Izy man̈iraka atsika hivavaka aminany, hikoran̈a aminany raha jiaby mampiasaloha atsika.
Izikoa fa misy lagera
Salamo 46:9: “Ataony raha tsy hisiany ady eky erantany.”
Ino ma dikanizen̈y? Tsy ho ela Fanjakan̈any Zan̈ahary han̈afoan̈a lagera.
Salamo 37:11, 29: “Olo pandefitry fo handova tany ty, ke ho ravoravo amy fiadan̈ana. ... Olo marin̈y handova tany, ke hipetraka iô tsisy farany.”
Ino ma dikanizen̈y? Olo tsara fan̈ahy ho ravoravo hiadan̈a tsisy farany ambony tany eto.
Lera mavozo momba raha mbala ho avy
Jeremia 29:11: “Ke haiko tsarabe raha efa niritriretiko hatao anaro, volan̈iny Jehovah. ‘Zaho mieritreritry han̈amia anaro fiadan̈ana fa tsy antambo, baka anaro hanan̈a hoavy tsara ndreky fan̈antinan̈a.’”
Ino ma dikanizen̈y? Zan̈ahary man̈amia toky olonany fa ho sambatra iro aminy amaray.
Apokalypsy 21:4: “Izy hamafa ranomaso jiaby amy masondro, fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy, fotony zen̈y efa kabaro taloha.”
Ino ma dikanizen̈y? Zan̈ahary mampan̈anten̈a fa tsy ho hisy eky raha ratsy jiaby hitanao ndreky iain̈anao izioty io.
a Jehovah io an̈aran̈any Zan̈ahary amy Baiboly ao. (Salamo 83:18) Zahava lahatsoratra “Azovy ma Jehovah?”
Mety ho Tianao Koa
FOTOKEVITRY ISANKARAZANY
Fankahirezan̈a Olo Naty Havan̈a
Izikoa misy havantsika maty, atsika mety hahatsiaro fa tsisy olo mahatakatra raha mahazo atsika. Fa Jehovah mahatakatra zen̈y sady izy von̈ono han̈ampy atsika.
FAMPIANARAN̈A FOTOTRO AMY BAIBOLY
Nan̈ino Tsy Adosony Zan̈ahary Jaly Io?
Maro olo man̈ontany nan̈ino ma feno olo tsy fankatia ndreky raha manahiran̈a tany ty. Ten̈a mankahery valiny fan̈ontanian̈a aby io amy Baiboly ao.
RAHA AMPIANARINY BAIBOLY
Man̈ohara Mianatra Baiboly Aminay
Mangalà fianaran̈a Baiboly miaraka amy fan̈azavan̈a araikiaraiky momba fan̈anaovan̈a izio.