Fizaran̈a 3

Rango Tamy Fan̈avaotan̈a ta Ejipta Zisk’Amin’Ampanjakan’Israely Voanalohany

Mosesy nitariky Israelita aby io boaka tamy fan̈avaotan̈a ta Ejipta, andeha amy Bongo Sinay. Irô koa fa navy tan̈y, Zan̈ahary nan̈amia irô lalàn̈a. Tafaran’izen̈y, Mosesy nan̈iraka 12 lahy hizaha karakôry tany Kanana zen̈y. Folo tamin-drô io koa fa nimpody, raha ratsy mikasiky tany io fo nikoran̈in-drô. Olo koa fa naharen̈y zen̈y, ti himpody ta Ejipta koa. Nisazin’ny Zan̈ahary Israelita aby io, fôtony irô tsy nino tsarabe. Nambelany irô niriaria tamy tany paiky tan̈y, tan̈atin’ny 40 taon̈o.

Farany, Josoa nifidin̈a hitariky Israelita aby io andeha amy tany Kanana. Jehovah nan̈ano fahagagan̈a, beky irô mahazo tany io. Najanony Ten̈aranon’i Jordana, naraongany lakoro vato fatatran’ny tanàna Jerikô, baka iô najanony masoandra. Andra tamy zen̈y tsy nety tsôfotro. Nafaka tsiaota taon̈o amy zay, tany io nazo tamy Kananita.

Tan̈atin’ny 356 taon̈o, nanampôno tamy Josoa, mpitsara nitaondra Israelita. Atsika hianatra maro amin-drô io: Baraka, Gideona, Jefta, Samsona, baka iô Samoela. Hamaky tantaran’ny man̈angy sasany koa atsika, karaha ry Rahaba, Debora, Jaela, Rota, Naomy, baka iô Delila. Izikoa konten̈a, raha nandalo tan̈atin’ny 396 taon̈o koran̈iny amy Fizaran̈a FAHATELO ty.