Tantaran’olo amy Baiboly:

• Ge 24:1-4, 7​—Tamin’i Abrahama efa natoe, izy tapa-kevitry hitady vadin’i Isaka zanany, tamin’olo nanompo Jehovah fa tsy tamindrô man̈angy kananita nanompo zan̈ahary hafa aby io

• Ge 28:1-4​—Jakoba nirahin’i Isaka hitady vady nanompo Jehovah fa tsy hangala vady irô man̈angy kananita aby io

Tantaran’olo amy Baiboly:

• 1Mp 11:1-6, 9-11​—Jehovah neloko tamy Mpanjaka Solomona fôtony izy tsy nan̈araka lalàn̈an’i Jehovah, fa nanambady man̈angy maro baka tamy firenena hafa ndreky nan̈eky irô vadiny aby io hitariky izy hanompo zan̈ahary hafa

• Ne 13:23-27​—Governera Nehemia nangala tahaka toetrin’i Jehovah, ke irô Israelita aby io koa fa nanambady man̈angy tsy nanompo Jehovah, izy neloko mare ke irô nipopohiny sady nisaziny ndreky nanariny mare

Tantaran’olo amy Baiboly:

• 1Sa 25:2, 3, 14-17​—Nabala tsy vady tsara fôtony nata izy olo mpan̈arivo, izy faran-draha kafiry tamin’i Abigaila vadiny

• Oh 21:9​—Izikoa atsika tsy mahay mifidy vady, atsika mety tsy ho sambatra aviô mety tsy hifan̈araka

• Ro 7:2​—Nazavain’ny apostoly Paoly fa man̈angy araiky koa fa manambady, izy manjary ambany fahifan̈an’ny vadiny tsy lavorary; dikan’izen̈y, hendry man̈angy araiky izikoa mitandrin̈y tsara alohan’ny han̈eky olo hangala izy vady

Tantaran’olo amy Baiboly:

• Oh 24:27​—Alohan’ny lelahy hiditry amy vadian̈a aviô mety hanan-janaka afara an̈y, izy tôkony hiasa mare, baka izy hahavita hamelon̈o irô jiaby tran̈o araiky

Tantaran’olo amy Baiboly:

• Rt 2:4-7, 10-12​—Boaza nanjary nahay i Rota tsarabe koa fa nandiniky fahazaran’i Rota miasa ndreky laza tsaranany, aviô fomba fitondrasan’i Rota i Naomy ndreky fifandraisan̈an’i Rota tamy Zan̈ahary

• Rt 2:8, 9, 20​—Rota nanjary nahay raha momba Boaza, izy koa fa nandiniky toetry nanan̈an’i Boaza, karaha ataon’izy tsara fan̈ahy, tsy matity aviô tia Jehovah

Tantaran’olo amy Baiboly:

• Oh 5:18, 19​—Misy fomba sasany han̈aboahan̈a fitiavan̈a efa natokan̈a nin’olo fivadiany fo fa tsy tôkony hataon’olo mbala mampiaraka

• To 1:2; 2:6​—Mpiambin̈y ôndrikôndriky ndreky tsaiky man̈angy solemita in̈y ndray nan̈ano volan̈a nan̈aboaka fitiavan̈a tamin’irô nifanerasera, irô nadio fitondran-ten̈a fo

• To 4:12; 8:8-10​—Naboakan’ny tsaiky man̈angy solemita in̈y fa izy nahafehy ten̈a, ke izy miran̈a zaridain̈y araiky mifody tsara in̈y

Tantaran’olo amy Baiboly:

• Ge 21:8-12​—Jehovah nan̈iraka Abrahama hitandren̈y Saraha, nata sôso-kevitr’i Saraha tsy namparavoaravo Abrahama

• Oh 31:10, 11, 16, 28​—Lelahy hendry manan̈a vady tsara zen̈y matoky sady mankasitraka vadiny, fa tsy mifehifehy na mizaha hadisovan̈an’ny vadiny

• Ef 5:33​—Naboakan’ny apostoly Paoly fa man̈angy manambady ten̈a mila mahatsapa fa vadiny tia izy

Tantaran’olo amy Baiboly:

• Oh 1:8; 1Ko 7:4​—Namian’ny Zan̈ahary fahifan̈a sasany man̈angy manambady ndreky reny, an̈atin’ny tokantran̈o

• 1Ko 11:3​—Navazain’ny apostoly Paoly fa arakan’ny lamin̈y napetrakan’i Jehovah, atsika jiaby samby misy fahifan̈a mila iken̈y aby; Zan̈ahary Farany An̈abo zaraiky fo tsisy fahifan̈a mila iken̈y

• He 13:7, 17​—Lelahy ndreky man̈angy samby mila man̈eky fahifan̈a ndreky man̈araka volan̈andrô voatendry hitariky an̈atin’ny fiangonan̈a

Tantaran’olo amy Baiboly:

• Ge 18:12; 1Pe 3:5, 6​—Saraha ten̈a nan̈aja Abrahama vadiny mare; “tômpo” fiheveran’i Saraha vadiny io, tan̈atin’ny fônany tan̈y

Tantaran’olo amy Baiboly:

• Ge 24:62-67​—Rebeka nan̈ampy ndreky nankahery Isaka vadiny, tafaran’ny nifatesan’ny maman’i Isaka

• 1Sa 25:14-24, 32-38​—Abigaila nanetry ten̈a ke niangavy Davida hamindra fô tamy Nabala vadiny, nata izy io adala, ndreky hamindra fô tamin’olo jiaby tan-tran̈ondrô tao

• Es 4:6-17; 5:1-8; 7:1-6; 8:3-6​—Indroe aby Mpanjaka Estera nirisiky fahin̈ananany: Tamin’izy nan̈aton̈o vadiny kanefa izy tsy nikahian’ny mpanjaka vadiny, aviô tamin’izy nangataka hiarovan̈a vahoakan’ny Zan̈ahary