Han̈ano Karakory Fiain̈anantsika ty Amaray An̈y?
Akory hevitrinao?
-
Tsisy raha hiova?
-
sa hahay ratsy fo?
-
sa ho tsara?
KARAKORY VOLAN̈INY BAIBOLY?
‘Zan̈ahary hamafa ranomaso jiaby amy masondro, fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy, fotony zen̈y efa kabaro taloha.’—Apokalypsy 21:3, 4, Fandikan-tenin’ny Tontolo Vaovao.
INO MAHATSARA ANAO MAHAY ZEN̈Y?
Anao amy zen̈y hahazo asa tsara ndreky mahafapo.—Isaia 65:21-23.
Anao tsy hijaly ndreky tsy harary eky.—Isaia 25:8; 33:24.
Anao ndreky havanao jiaby ho sambatra ndreky ho velon̈o tsisy farany.—Salamo 37:11, 29.
MBA MARIN̈Y EDY MA RAHA VOLAN̈INY BAIBOLY ZEN̈Y?
Ia. Misy antony aroe ty:
-
Raha koa fa nivolan̈iny Zan̈ahary, tsy maintsy vitany. Baiboly mivolan̈a fa Zan̈ahary zaraiky fo “Farany Mahery”, fotony tsisy mahadin̈y angovonany. (Apokalypsy 15:3) Dikanizen̈y, vitany tsarabe han̈ova fiain̈anantsika ty ho tsara. Baiboly mivolan̈a koa fa tsisy raha tsy hainy Zan̈ahary.—Matio 19:26.
-
Zan̈ahary von̈ono han̈atanteraka raha volan̈iny. Koran̈iny Soratra Masin̈y fa Jehovah ten̈a man̈iry hamelon̈o olo maty.—Joba 14:14, 15.
Baiboly koa man̈ambara fa Jesosy nampahivan̈a olo marary. Nan̈ino ma izy nan̈ano zen̈y? Fotony izy nahinakinaka olo. (Marka 1:40, 41) Ten̈a tiany Jesosy toetriny Jehovah, ke zen̈y nahavy izy tia nan̈ampy olo.—Jaona 14:9.
Zen̈y mahavy atsika matoky fa mbala hiova ho tsara fiain̈anantsika ty amaray an̈y.—Salamo 72:12-14; 145:16; 2 Petera 3:9.
TADIAVA VALINY FAN̈ONTANIAN̈A TY
Karakory hataony Zan̈ahary han̈ova fiain̈anantsika ty ho tsara?
Vakia MATIO 6:9, 10 ndreky DANIELA 2:44.
Mety ho Tianao Koa
FAMPIANARAN̈A FOTOTRO AMY BAIBOLY
Karakory ma Fanjakan̈any Zan̈ahary Zen̈y?
Tamy Jesosy tambony tany teto, raha momba Fanjakan̈any Zan̈ahary io raha ten̈a nampianariny. Rango efa ela, pianatranany mivavaka haviany Fanjakan̈a io.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
