ZAGNAHARY FARANY AGNABO, izy Tômpon’ny raha jiaby hita maso ndraiky tsy hita maso. Fiaignanatsika iziôty ndraiky amaray agny miankigny aminany. Mitahy aifany, magnasazy vitany koa. Izy afaka mamelogno sady mahavita mamono koa. Izikoa atsika magnano raha tiany, hanjary fiaignanatsika, fa atsika fo sahiragna izikoa tsy magnaraka volagnanany. Misy valairany tsarabe fivavahagnatsika izikoa mifagnaraka aminany!

Faomba maro anompoan’olo Zagnahary. Aohatra ampiragniny amy lalagna fivavahagna jiaby io, samy mengo amy Zagnahary aby? Tsy marigny zegny. Jesosy, iraka Zagnahary, nagnambara mazava fa aroe fo lalagna. Nivolagna karaha ty izy: “Maventy salakady malalaka lalagna mengo amy fahafataisagna, kay maro olo magnaraka izy. Fa maletry varavaragna salakady tery lalagna mengo amy fiaignana, kay vitsy fo olo mahita izy.”—Matio 7:13, 14.

Karazany aroe fo fivavahagna: araiky mahavy atsika amy fiaignana, araiky mahavy atsika amy fahafataisagna. Kay bokihely ty natao hagnampy anao hahita lay lalagna mengo amy fiaignana tsisy farany.