FIZARAN̈A 2
Karakôry Ahaizanao ny Marigny Mikasiky Zagnahary?
1, 2. Aohatra ino ahafahagna mivolagna fa mila fitsipiky atsika beky hahaizagna fivavahagna marigny?
AKÔRY ahaizatsika Zagnahary zegny? Atsika ma mila mandiniky fampianaragnan’ny fivavahagna jiaby io? Tsy vitatsika zegny. Ndray atsika mahavita magnano zegny, karakôry ahaizatsika ny taigna marigny?
2 Atsika mila fitsipiky na raha iken’olo jiaby beky ahaizagna ny marigny, fôtony olo samy amy hevitrinany mikasiky Zagnahary. Misy aohatra ty: Nisy malo mikasiky meziran’ny lamba ta bazary. Mpivarotro lamba io nivolagna fa telo maitara. Lay mpivanga ndraiky nieritreritry raha io tsy mahampy zegny foeky. Karakôry hampilamigny koragnan-drô? Lamba io mila mitarigny.
3. Ino antony nanoratagna Baiboly?
3 Misy maitara, na fitsipiky koa ma hahaizagna fivavahagna marigny? Ia, Baiboly zegny. Nirahin’ny Zagnahary nisoratigny izio beky olo jiaby afaka mahay ny marigny mikasiky izy. Maro Baiboly aifa nadika zisk’iziô, natao amy fivolagnana 2 100 mandilatra, na tapatapany zegny na jiaby. Aifa tsy aila olo jiaby tsiaraikiaraiky afaka mamaky ny marigny mikasiky Zagnahary amy volagnanany.
4. Ino aby raha koragnin’ny Baiboly?
4 Baiboly kadô farany tsara boaka amy Zagnahary. Magnazava raha maro mbala tsiary haitsika izio. Volagniny ao azôvy mipaitraka agnabo tsy takatra maso agny. Magnambara hevitry, toetry ndraiky fikasagnan’ny Zagnahary izio. Koragniny ao koa faomba nitondrasany olonany tagnatin’ny arivo taogno mandilatra zay, ndraiky raha mbala hoavy. Ambarany mazava koa faomba ahitantsika lalagna mengo amy fiaignana tsisy farany.
Nagnino anao afaka mino Baiboly?
5. Ino aohatra araiky ivolagnana fa Baiboly mifagnaraka amy siansy?
5 Misy antony maro inoagna fa Volagna Zagnahary ankitigny Baiboly. Ty antony araiky: Baiboly mifagnaraka amy siansy. Nieritreritry olo taloha tagny fa misy raha manaohagna tany ty. Nisy fotoagna ninoan’olo tan’Afiriky Andraifa tagny fa nisy bibilava miolongologno in-3 500 tagnabon’ny tany, 3 500 tambaniny. Kanaifa, mifagnaraka amy siansy, 3 500 taogno rôso zay, araiky amin-drô mpanaoratra Baiboly nanaoratra fa Zagnahary “mampihaivahaiva tany ty.”—Joba 26:7.
6. Ino raha taigna ivolagnana fa boaka amy Zagnahary Baiboly?
6 Fagnambaragna raha mbala hoavy tsisy diso taigna ivolagnana fa boaka amy Zagnahary Baiboly. Tsy miragna amy moasy Zagnahary fa zay raha volagniny miboaka fo.
7. Ino aby sasany amy faminaniagnan’ny Baiboly aifa niboaka taloha tagny?
7 Tamin’andra taloha tagny, mahampy zato faminaniagna amy Baiboly niboaka ankitigny. Aohatra, 700 taogno tsy aviany, Baiboly aifa nagnambara mazava fa ho tairaka a Betlehaima Jesosy. Zegny ankitigny raha niboaka. (Mika 5:1; Matio 2:3-9) Fagnampin’ny faminaniagna maro mikasiky Jesosy, Baiboly nagnambara koa fa magnangy mbala tsendriky mahay lelahy hitairaka izy. Boaka iô, hisy olo hamadiky izy amy sekely volafotsy 30. Nisy ankitigny raha jiaby zegny. Mbala tsisy olombelogno nahavita nagnano raha karaha zegny!—Isaia 7:14; Zakaria 11:12, 13; Matio 1:22, 23; 27:3-5.
8. Ino aby faminaniagnan’ny Baiboly aifa miboaka amin’ andratsika iziôty. Ino dikan’izegny?
8 Maro faminaniagna amy Baiboly aifa miboaka amin’andratsika iziô. Ty sasantsasany:
-
“Hisy firenena hiady firenena, fanjakagna hiady fanjakagna. Hisy hôrohôron-tany maventy, sady hisy aretigny tsisy fagnafany, silaogno amy tany maro.”—Lioka 21:10, 11.
-
“Hitombo tsy fagnarahagna lalàgna.”—Matio 24:12.
-
“Amy fara andra agny, ... olo tia taigna, tia vaola, ... tsy magnaja olobe, ... tsy mahatana taigna, masiaka be, tsy tia ny tsara, ... poairapoaira, tia plezira mandilatra fitiavagna Zagnahary.”—2 Timoty 3:1-5.
Ikenao fa taigna misy raha jiaby io iziôty? Tsy boky tsotra Baiboly. Fahamarignan’ny faminaniagna amy Baiboly ivolagnana fa izio boky miavaka. Boaka tamy tsindrimandrin’ny Zagnahary izio.—2 Timoty 3:16.
Tsy aifa nisy nagnaova edy Baiboly io va?
9, 10. Ino ivolagnana fa Zagnahary tsy nagnaomba olo hagnaova Baiboly?
9 Aohatra anao iziô tômpon’ny loziny araiky, napaitakanao tamy riba asan’olo jiaby miasa aminao. Izikoa misy olo tsy fankahazo aminao magnaova izio, ino raha ataonao? Tsy ahitsinao raha jiaby nivoany tao? Karaha zegny koa, Zagnahary tsy magnaomba olo hagnaova volagnanany aifa marigny amy Baiboly.
10 Tsisy olo nahavita nagnaova fampianaragna Zagnahary amy Baiboly. Izikoa ampitovisitsika raha voasaoratra agnaty Baibolitsika iziôty, mbala miragna tamy voanalohany tagny fo. Zegny mivolagna fa Baiboly tsiary niaova letrizay.
Mety ho Tianao Koa
FAMPIANARAN̈A FOTOTRO AMY BAIBOLY
Ten̈a Marin̈y ma Raha Koran̈iny Baiboly?
Izikoa Baiboly baka amy Zan̈ahary, dikanizen̈y izio tokony hiavaka amy boky jiaby nisoratinolo.
FAMPIANARAN̈A FOTOTRO AMY BAIBOLY
Baka Aminjovy ma Baiboly Io?
Koa olo nanoratra Baiboly, nan̈ino izio kahin̈a Volan̈a Zan̈ahary? Hevitrinjovy ma amy Baiboly?
FAMPIANARAN̈A FOTOTRO AMY BAIBOLY
Zan̈ahary ma Misy An̈aran̈a?
Maro an̈aran̈a fan̈ajan̈a Zan̈ahary, an̈isanizen̈y Farany Mahery, Pamoron̈o ndreky Tompo. Fa ten̈a an̈arany Zan̈ahary ndraiky mimpody im-7 000 amy Baiboly ao.
