LESON 09
Man̈aton̈a Zan̈ahary amy Vavaka
Mila pitariky ma anao amy fiain̈ananao? Sa misy fan̈ontanian̈a maventy mba tianao hay valiny? Mila amian̈a korazy ma anao? Tianao ma anao mba marikitry Jehovah? Han̈ampy anao amy raha jiaby zen̈y vavaka. Fa karakory fo ma atao mivavaka? Zan̈ahary ma mitandren̈y vavaka jiaby ataonolo? Akory hahavy anao hatoky fa tandrin̈esany Zan̈ahary vavakanao? Atsika iziô hizaha zen̈y.
1. Tokony havantan̈a aminjovy ma vavakantsika, avio ino raha mety koran̈intsika?
Jesosy nampianatra fa atsika koa mivavaka, tokony havantan̈a amy Babantsika andan̈itry an̈y. Ndray Jesosy koa mba nivavaka tamy Jehovah. Ho izy: “Karaha ty ataova koa fa mivavaka: “‘Anao Babanay andan̈itry an̈y ...’” (Matio 6:9) Atsika koa mivavaka amy Jehovah, hahaifatatra fo fihavan̈antsika aminazy.
Atsika koa mivavaka, mety fo zay raha koran̈intsika, fa izy fo mila mifan̈araka amy sitrapony Zan̈ahary. Amy zen̈y izy vo mamaly vavakantsika. “Zay raha angatahintsika aminany, izikoa mifan̈araka amy sitraponany, izy mitandren̈y atsika.” (1 Jaona 5:14) Jesosy nan̈amia modely amy raha mety koran̈iny lera mivavaka. (Vakia Matio 6:9-13.) Atsika mety mangataka Jehovah han̈ampy atsika amy raha mampiasaloha atsika, fa tsy tokony hadin̈antsika fo man̈ano mersy izy amy raha nataony tamintsika. Atsika koa tokony hangataka izy han̈ampy olo hafa.
2. Karakory tokony hatao izikoa fa mivavaka?
Baiboly mandrisiky atsika ‘hikoran̈a aminany raha jiaby an̈aty fontsika.’ (Salamo 62:8) Dikanizen̈y, vavaka ataontsika tokony ho baka an̈aty fontsika. Mety mivavaka mare na mangin̈y. Tsy man̈ino atsika na mipetraka na mitsangana, fa tokony man̈aja fo fomba han̈anovantsika izy. Mety mivavaka fo atsika na kelera na kelera, avio na aia na aia.
3. Karakory ma ataony Zan̈ahary mamaly vavakantsika?
Maro fomba amaliany vavaka. Jehovah nan̈amia Baiboly, ke matetiky ao ahitantsika valiny fan̈ontanian̈antsika. Famakian̈a Baiboly io “mampisy jery olo tsy maro raha nandalovan̈a tamy fiain̈ana.” (Salamo 19:7; vakia Jakoba 1:5.) Jehovah koa mety handrisiky panomponany han̈ampy atsika, izikoa raha io ten̈a ilaintsika.
ALEVA ONON̈O
Diniha akory mety han̈anovanao vavaka mamparavoravo Zan̈ahary, avio zahava ino hatsaran̈a ho azonao anao koa mikoran̈a aminany.
4. Karakory ma vavaka ikeny Zan̈ahary?
Akory hahaizantsika vavaka ikeny Zan̈ahary ndreky tsy ikeny? Alifasa VIDEO io.
Tiany Jehovah atsika hivavaka aminany. Vakia Salamo 65:2, avio iaraha dinihin̈y fan̈ontanian̈a aby ty:
-
Fahitanao izy ma “Pitandren̈y vavaka” io mba tia mitandren̈y vavaka ataonao? Nan̈ino?
Izikoa tiantsika tandrin̈esany Zan̈ahary vavakantsika, atsika mila man̈araka fitsipikinany. Vakia Mika 3:4; 1 Petera 3:12, avio iaraha dinihin̈y fan̈ontanian̈a ty:
-
Ino mahavy atsika matoky fa Jehovah mitandren̈y vavaka ataontsika?
Maramila mandeha lagera, samy mivavaka niny tafikinany kanefa iro tsy fankahazo. Ke samy hivaliany Zan̈ahary ma vavakandro io?
5. Tokony raha baka an̈aty fontsika koran̈intsika aminany
Misy olo sasany man̈ano vavaka tsianjery ke zen̈y fo ampodipodindro. Karaha zen̈y ma tiany Zan̈ahary ataontsika lera mivavaka aminany? Vakia Matio 6:7, avio iaraha dinihin̈y fan̈ontanian̈a ty:
-
Akory tokony hataonao baka anao ‘tsy han̈ampodipody volan̈a mitovy fo’ lera mivavaka?
Isanandra, iritrireta ino hatsaran̈a nazonao, ke ataova mersy Jehovah. Man̈anova karaha zen̈y fo isanandra, fa hiovaova edy raha koran̈inao amy vavaka an̈atiny fito andra.
Tiany Baba be fitiavan̈a izikoa mikoran̈a aminany amy fô jiaby zanakanany. Atsika koa tiany Jehovah hivavaka aminany amy fontsika jiaby
6. Vavaka io kado baka amy Zan̈ahary
Nan̈ino mankahery atsika vavaka io na mandeha tsara fiain̈anantsika na atsika misy problemo? Alifasa VIDEO io.
Baiboly mampan̈anten̈a fa vavaka io han̈ampy atsika hilamintsain̈y. Vakia Filipianina 4:6, 7, avio iaraha dinihin̈y fan̈ontanian̈a aby ty:
-
Ndray tsy voatery ho afaka problemontsika jiaby lera atsika mivavaka, nan̈ino vavaka io man̈ampy atsika?
-
Ino raha sasany tianao koran̈iny lera mivavaka?
Asa mba hainao?
Dikany “ameny” zen̈y, “irarian̈a ho tanteraka zen̈y.” Rango taminy andrany Baiboly tan̈y, amy farany vavaka olo man̈ano “ameny.”—1 Tantara 16:36.
7. Mitadiava fotoan̈a hivavahan̈a fo
Ndraikindraiky, maro raha ataontsika, ke efa tsy azontsika onon̈o eky mivavaka. Ten̈a raha maventy tamy Jesosy ma vavaka io? Vakia Matio 14:23 ndreky Marka 1:35, avio iaraha dinihin̈y fan̈ontanian̈a aby ty:
-
Akory nataony Jesosy baka izy nahita fotoan̈a nivavahan̈a?
-
Akory koa tokony hataonao baka anao hahita fotoan̈a hivavahan̈a?
MISY OLO MIVOLAN̈A: “Vavaka io tsisy dikany aby. Zan̈ahary tsy mamaly vavaka zen̈y.”
-
Akory hevitrinao?
INO RAHA NIANARANAO TATO?
Vavaka baka amy fô man̈ampy atsika hifandray amy Zan̈ahary, mahavy atsika hilamintsain̈y, avio hazahoantsika angovo han̈anovan̈a raha mamparavoravo Jehovah.
Fan̈ontanian̈a Fameren̈ana
-
Tokony havantan̈a aminjovy vavakantsika?
-
Karakory ma atao mivavaka?
-
Ino hatsaran̈a sasany ho azontsika koa fa mivavaka?
ZAHAVA
Tadiava ato valiny fan̈ontanian̈anolo maro momba vavaka.
“Ino Raha Fito Tsara Hainao Momba Vavaka?” (Tilikambo Fiambesan̈a 1 Oktobra 2010)
Zahava antony maventy tokony hivavahan̈a baka io akory hankatsaranao vavakanao.
“Nan̈ino ma Zaho Tokony Hivavaka?” (Lahatsoratra aminy Internet)
Azovy tokony hivavahan̈a, izikoa Baiboly zahan̈a?
“Mety ma Mivavaka Aminolo Masin̈y?” (Lahatsoratra aminy Internet)
Zahava amy lamoziky video ty fa mety mivavaka fo anao na lera karakory na lera karakory avio na aia na aia.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
