LESON 20
Karakory Handaminan̈a Fiangonan̈anay?
Jehovah io Zan̈ahariny filaminan̈a. (1 Korintianina 14:33) Ke atsika matoky fa hainy mandamin̈y vahoakanany. Karakory ma handaminany fiangonan̈a? Akory koa tokony hataontsika baka hisiany filaminan̈a zen̈y?
1. Azovy ma lohany fiangonan̈a?
“Kristy lohany fiangonan̈a.” (Efesianina 5:23) Baka andan̈itry an̈y izy man̈aramaso asany vahoakany Jehovah erantany. Jesosy nanendry “panompo atokisan̈a ndreky mahadiniky raha.” Iro io antipan̈ahy vitsivitsy matotro, na koa Filankevipitantan̈ana. (Vakia Matio 24:45-47.) Karaha nataondro apostoly tamy taonjato voanalohany ndreky iro antipan̈ahy ta Jerosalema tan̈y, Filankevipitantan̈ana man̈amia taridalan̈a fiangonan̈a erantany. (Asan’ny Apostoly 15:2) Fa iro lelahy aby io tsy pitariky fandaminan̈anay. Iro mivavaka amy Jehovah ndreky mampiasa Baiboly azahoandro taridalan̈a, avio iro man̈eky fitaritany Jesosy fiangonan̈a.
2. Ino ma antipan̈ahy zen̈y, avio ino andraikitrindro?
Antipan̈ahy zen̈y lelahy kristianin̈y matotro mampianatra Soratra Masin̈y vahoakany Jehovah, man̈ampy iro ndreky mankahery iro. Iro io tsy karamain̈y. Iro man̈ano andraikitrindro io “antsitrapo, baka io tsy raha baka amy fitadiavan̈a tombony baka amy raha tsy marin̈y, fa baka amy fahazotoan̈a.” (1 Petera 5:1, 2) Pikarakara fiangonan̈a ndraiky iro lelahy man̈ampy antipan̈ahy aminy andraikitrindro. Koa mandeha fotoan̈a, pikarakara fiangonan̈a koa mety hahafeno fepetra hanjary antipan̈ahy.
Filankevipitantan̈ana manendry antipan̈ahy sasany hatao piandraikitry faritry. Mitsidiky fiangonan̈a maromaro iro piandraikitry faritry aby io, man̈amia taridalan̈a baka io mankahery fiangonan̈a. Piandraikitry faritry koa manendry antipan̈ahy ndreky pikarakara fiangonan̈a mahafeno fepetra takiny Soratra Masin̈y.—1 Timoty 3:1-10, 12; Titosy 1:5-9.
3. Ino andraikitriny Vavolombelon̈o Jehovah tsiaraikiaraiky?
Olo jiaby an̈atiny fiangonan̈a samy ‘midera an̈arany Jehovah’, ke iro man̈amia valinteny amy fivorian̈a ndreky mifen̈y erakany vitandro mitory.—Vakia Salamo 148:12, 13.
ALEVA ONON̈O
Zahava asa pitariky karakory Jesosy, baka io ino raha ianarany antipan̈ahy baka amy modeliny Jesosy, avio akory hataontsika han̈eky Jesosy ndreky hiaraka hiasa amindro antipan̈ahy aby io.
4. Jesosy io pitariky tsara fan̈ahy
Jesosy mikaiky atsika. Vakia Matio 11:28-30, avio iaraha dinihin̈y fan̈ontanian̈a ty:
-
Ino raha tiany Jesosy tsapantsika momba fitondrasany atsika?
Akory an̈arehany antipan̈ahy ohatrany Jesosy? Alifasa VIDEO io.
Koran̈iny Baiboly mazava tsara akory tokony han̈anovany antipan̈ahy andraikitrindro.
Vakia Isaia 32:2 ndreky 1 Petera 5:1-3, avio iaraha dinihin̈y fan̈ontanian̈a aby ty:
-
Ino vokatrany fahaizanao fa antipan̈ahy aby io mifen̈y mamelombelon̈o olo, karaha nataony Jesosy?
-
Amy fomba akory koa mety hangalany antipan̈ahy tahaka Jesosy?
5. Antipan̈ahy aby io modely
Akory tiany Jesosy hiheverandro antipan̈ahy aby io andraikitrindro? Alifasa VIDEO io.
Jesosy nan̈apetraka fitsipiky harehandro mitariky amy fiangonan̈a. Vakia Matio 23:8-12, avio iaraha dinihin̈y fan̈ontanian̈a ty:
-
Izikoa fitsipikiny Baiboly io zahan̈a, ino raha hitanao tsy mampitovy antipan̈ahy ndreky pitariky fivavahan̈a?
-
A. Antipan̈ahy aby io mifen̈y mankafatatra fihavan̈andro amy Jehovah ndreky man̈ampy fianakavian̈andro han̈ano karaha zen̈y koa
-
B. Iro antipan̈ahy aby io mikarakara olo jiaby amy fiangonan̈a
-
D. Iro antipan̈ahy aby io mitory tsy tapaka
-
E. Iro antipan̈ahy aby io mampianatra. Iro koa mba mamafa tran̈o fivorian̈a ndreky man̈ano asa hafa koa
6. Afaka miaraka miasa amindro antipan̈ahy aby io atsika
Baiboly mikoran̈a antony maventy tokony hiarasantsika miasa amindro antipan̈ahy aby io. Vakia Hebreo 13:17, avio iaraha dinihin̈y fan̈ontanian̈a aby ty:
-
Nan̈ino Baiboly mivolan̈a fa atsika tokony han̈aja ndreky han̈eky iro mitariky atsika? Akory fahitanao raha zen̈y?
Vakia Lioka 16:10, avio iaraha dinihin̈y fan̈ontanian̈a ty:
-
Nan̈ino atsika tokony han̈eky antipan̈ahy ndray amy raha madiniky?
MISY OLO MIVOLAN̈A: “Anao tsy mila miditry amy fandaminan̈a arapivavahan̈a.”
-
Ino mahatsara anao mieritreritry mba ho an̈isany fiangonan̈a?
INO RAHA NIANARANAO TATO?
Jesosy lohany fiangonan̈a. Ravoravo atsika miaraka miasa amindro antipan̈ahy aby io, fotony iro io man̈eky Jesosy sady mamelombelon̈o ndreky man̈amia ohatra tsara arehantsika.
Fan̈ontanian̈a Fameren̈ana
-
Azovy ma lohany fiangonan̈a?
-
Akory ataony antipan̈ahy mikarakara olony Zan̈ahary?
-
Ino ma andraikitriny vahoakany Jehovah tsiaraikiaraiky?
ZAHAVA
Zahava fa ten̈a miasaloha amintsika Filankevipitantan̈ana ndreky iro antipan̈ahy aby io.
Fankahirezan̈a iro Rahalahy amy Tany Misy Fandraran̈a (4:22)
Zahava asandro piandraikitry faritry aby io.
Fitsidihany Piandraikitry Faritry amy Toeran̈a Lavitry (4:51)
Vakia ino raha mety hataony man̈angy an̈atiny fiangonan̈a.
“Amy Vavolombelon̈o Jehovah ma Misy Man̈angy Mitory Teny?” (Tilikambo Fiambesan̈a 1 Septambra 2012)
Zahava akory ataondro antipan̈ahy aby io miasa mare mankahery iro rahalahy ndreky ranabavy aby io.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
