LESON 27
Nan̈ino Mamonjy Atsika Nifatesany Jesosy?
Nanjary panota, mijaly, avio mety maty atsika fotony Adama ndreky Eva, olo fivadiany voanalohany, tsy nan̈araka volan̈any Zan̈ahary. a Fa atsika mbala manan̈a fan̈antinan̈a. Jehovah nan̈amia Jesosy Kristy han̈avotro atsika, baka atsika ho afaka amy fahotan̈a ndreky fahafatesan̈a. Baiboly mampianatra fa Jesosy naty in̈y nan̈amia vidipan̈avotan̈a. Izio vola ifain̈y han̈avotan̈a olo. Jesosy ndraiky, ain̈inany lavorary nataony vidipan̈avotan̈a. (Vakia Matio 20:28.) Jesosy tokony ho velon̈o tsisy farany ambony tany eto, kanefa ain̈inany foeny antsitrapo. Taminio izy nan̈abian̈a lalan̈a hazahoantsika raha jiaby nariany Adama ndreky Eva in̈y. Naboakany Jesosy tamy zen̈y koa fa izy ndreky Jehovah ten̈a tia atsika. Ke fianaran̈a ty han̈ampy atsika hankasitraka tsarabe nifatesany Jesosy.
1. Ino aby hatsaran̈a azontsika izioty baka amy nifatesany Jesosy?
Atsika io panota, ke zen̈y mahavy atsika man̈ano raha maro tsy mamparavoravo Jehovah. Ho tsara fihavan̈ana amy Zan̈ahary atsika, koa manen̈iny amy fahotan̈a vitantsika, mangataka amy Jehovah han̈ambela hadisovan̈antsika aminy alalany Jesosy. Avio atsika koa mila mifen̈y mare baka tsy han̈ampody izin̈y eky. (1 Jaona 2:1) Karaha ty koran̈iny Baiboly: “Kristy naty indraiky fo nohony fahotan̈anolo, dikanizen̈y izy olo marin̈y hatao solonolo tsy marin̈y, baka hitondrasany anaro amy Zan̈ahary.”—1 Petera 3:18.
2. Ino hatsaran̈a ho azontsika aminy amaray an̈y baka amy nifatesany Jesosy?
Jehovah nandefa Jesosy han̈amia ain̈inany lavorary, “baka tsy hofoaty olo jiaby man̈aboaka finoan̈a izy [Jesosy] fa hahazo fiain̈ana tsisy farany.” (Jaona 3:16) Jehovah nankasitraka soron̈o nataony Jesosy, ke tsy ho ela, hadosony raha ratsy jiaby baka amy raha nataony Adama. Dikanizen̈y, izikoa atsika man̈aboaka finoan̈a soron̈o nataony Jesosy, atsika mety ho velon̈o tsisy farany amy paradisa ambony tany eto!—Isaia 65:21-23.
ALEVA ONON̈O
Diniha tsarabe nan̈ino Jesosy nan̈amia ain̈inany, avio akory hazahoanao hatsaran̈a baka amizio.
3. Fahafatesany Jesosy io mankafaka atsika amy fahotan̈a ndreky fahafatesan̈a
Alifasa VIDEO io, avio iaraha dinihin̈y fan̈ontanian̈a ambany io.
-
Ino raha tsy nazony Adama nohonizy tsy nan̈araka volan̈any Jehovah?
Vakia Romanina 5:12, avio iaraha dinihin̈y fan̈ontanian̈a ty:
-
Ino vokatrany fahotan̈any Adama io amy fiain̈ananao?
Vakia Jaona 3:16, avio iaraha dinihin̈y fan̈ontanian̈a ty:
-
Nan̈ino ma Jehovah nan̈iraka Zanany nandeha tambony tany teto?
-
Adama io lelahy lavorary fa tsy nan̈araka volan̈a Zan̈ahary, ke zen̈y nahavy olo jiaby nanjary panota ndreky maty
-
Jesosy io lelahy lavorary fa izy nan̈araka volan̈a Zan̈ahary ke atsika ho afaka hanjary lavorary ndreky hiain̈y tsisy farany
4. Olo jiaby afaka mahazo hatsaran̈a baka amy nifatesany Jesosy
Alifasa VIDEO io, avio iaraha dinihin̈y fan̈ontanian̈a ambany io.
-
Akory hazahoanolo jiaby hatsaran̈a baka amy nifatesanolo araiky?
Vakia 1 Timoty 2:5, 6, avio iaraha dinihin̈y fan̈ontanian̈a ty:
-
Adama io olo lavorary tamy voanalohany tan̈y, fa izy baka tio nanota, ke olo jiaby koa nanjary manota ndreky mety maty. Jesosy koa olo lavorary. Karakory nan̈amezany “vidipan̈avotan̈a mifandanja tsarabe”?
5. Vidipan̈avotan̈a io kadônao baka amy Jehovah
Olo kamaradiny Jehovah mihevitry vidipan̈avotan̈a io kadô baka amy Jehovah. Vakia Galatianina 2:20, avio iaraha dinihin̈y fan̈ontanian̈a ty:
-
Akory nivolan̈any apostoly Paoly fa vidipan̈avotan̈a io kadô namian̈a izy?
Adama koa fa nanota, izy ndreky taranakanany jiaby nanjary mety maty. Fa Jehovah ndraiky nandefa Zanany hivonen̈a, baka anao ho afaka hiain̈y tsisy farany.
Anao koa mamaky iro andininy aby ty, miniminia akory fihetsehampony Jehovah nahita Zanany nijaly. Vakia Jaona 19:1-7, 16-18, avio iaraha dinihin̈y fan̈ontanian̈a ty:
-
Akory fahitanao raha nataony Jehovah ndreky Jesosy taminao io?
IZIKOA MISY OLO MAN̈ONTANY ANAO: “Karakory eky lelahy araiky maty han̈avotro olo jiaby zen̈y?”
-
Akory hamalianao zen̈y?
INO RAHA NIANARANAO TATO?
Miorin̈y amy nifatesany Jesosy in̈y han̈ambilany Jehovah fahotan̈antsika. Baka amizio koa mahavy atsika ho afaka hiain̈y tsisy farany.
Fan̈ontanian̈a Fameren̈ana
-
Nan̈ino ma Jesosy naty?
-
Ino ivolan̈ana fa ain̈iny Jesosy lavorary in̈y ten̈a vidipan̈avotan̈a mifandanja tsarabe?
-
Nan̈ino mahatsara anao nifatesany Jesosy?
ZAHAVA
Diniha nan̈ino vidipan̈avotan̈a ikahian̈a ain̈iny Jesosy lavorary in̈y.
Zahava ino raha mila hataontsika, baka atsika ho afaka amy fahotan̈a ndreky fahafatesan̈a.
“Akory Ataony Jesosy Mamonjy Atsika?” (Lahatsoratra aminy Internet)
Ndray olo efa nan̈ano fahotan̈a maventy ma mbala ambelany Jehovah fo helokonany?
“Fan̈ontanian̈a Valiany Baiboly” (Tilikambo Fiambesan̈a 1 May 2013)
Zahava nan̈ino mnkatsara toetrintsika fianaran̈a momba soron̈o nataony Kristy.
a Fahotan̈a io tsy basiny fan̈anovan̈a raha tsy mety fo. Izio koa ivolan̈ana raha ratsy jiaby nilovaintsika taminy Adama ndreky Eva.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
