LESON 55
Tohàn̈a Fiangonan̈a Misy Anao
Erantany, olo antapitrisany ravoravo manompo Jehovah an̈ivony fiangonan̈a mandilatra andrivony aby. Ravoravo iro fotony mahazo toromariky ndreky taridalan̈a, ke maro raha ataondro hanohan̈ana fiangonan̈a misy iro. Asa mba karaha zen̈y raha tsapanao amy fiangonan̈a misy anao?
1. Akory mety hampiasanao fotoan̈a ndreky angovo hanohan̈ana fiangonan̈a?
Atsika jiaby afaka mifan̈ampy. Ohatra, amy fiangonan̈a misy anao ma misy olo efa matoe na marary? Anao asa afaka man̈ampy iro han̈aton̈o fivorian̈a? Sa anao afaka man̈ampy iro amy raha hafa, ohatra man̈ano bazarindro, mandokindro, mamafa tran̈ondro? (Vakia Jakoba 1: 27.) Atsika koa mety mitahitahy amy fan̈adiovan̈a ndreky fikobabian̈a Tran̈o Fivorian̈a. Tsy tiren̈a atsika han̈ano raha aby io. Fitiavantsika Jehovah ndreky iro piaramanompo amintsika aby io mandrisiky atsika ‘hanoloten̈a antsitrapo.’—Salamo 110:3.
Maro raha mety hataony Vavolombelon̈o Jehovah vita batisa hanohan̈ana fiangonan̈a. Rahalahy aby io afaka man̈ano pikarakara fiangonan̈a na antipan̈ahy, izikoa mahafeno fepetra. Rahalahy ndreky ranabavy koa samy afaka man̈ano asany pisava lalan̈a, hampandihanan̈a asa fitorian̈a. Misy ndraiky koa man̈ampy amy fan̈amboaran̈a Tran̈o Fivorian̈a na mandeha mifindra amy fiangonan̈a mbala mila fan̈ampian̈a.
2. Akory mety hampiasan̈a raha anan̈antsika hanohan̈ana fiangonan̈a?
Atsika mety ‘man̈amia voninahitry Jehovah amy raha maro lafo anan̈antsika.’ (Ohabolana 3:9) Ravoravo atsika man̈amia vola na raha hafa hanohan̈ana fiangonan̈a misy atsika ndreky asa fitorian̈a erantany. (Vakia 2 Korintianina 9:7.) Izio koa ampiasain̈a han̈ampian̈a iro namantsika amy tany nandalovany antambo. Maro olo mifidy “hanokana vola” atao fan̈amezan̈a tsy tapaka. (Vakia 1 Korintianina 16:2.) Atsika mety man̈ano fan̈amezan̈a amy boatiny fan̈amezan̈a amy Tran̈o Fivorian̈a an̈y, na aminy Internet, amy donate.pr418.com. Amezany Jehovah fahafahan̈a atsika han̈aboaka fitiavantsika izy, amy fampiasan̈a fanan̈anantsika amy fomba tsara.
ALEVA ONON̈O
Diniha ino aby raha azonao atao hanohan̈ana fiangonan̈a.
3. Atsika afaka mampiasa fanan̈anantsika
Jehovah ndreky Jesosy tia olo man̈amia ankaravoan̈a. Ohatra, Jesosy nankasitraka man̈angy araiky maty vady, nanan̈a vola farany hely fa mbala namezany Jehovah fo. Vakia Lioka 21:1-4, avio iaraha dinihin̈y fan̈ontanian̈a aby ty:
-
Izio ma mila man̈amia vola be atsika zay vo mamparavoravo Jehovah?
-
Akory fahitany Jehovah ndreky Jesosy olo man̈ano fan̈amezan̈a baka amy fô?
Koa tianao hahay akory fomba ampiasan̈a fan̈amezan̈a azontsika, alifasa VIDEO io. Avio iaraha dinihin̈y fan̈ontanian̈a ambany io.
-
Akory fomba ampiasan̈a iro fan̈amezan̈a aby io baka fiangonan̈a erantany mahazo hatsaran̈a?
4. Atsika afaka man̈ampy antsitrapo
Taminandrany Baiboly, iro panompony Jehovah aby io nazoto niasa mare nikobaby tany fivavahandro tamy Jehovah. Ke tsy vitany fan̈amezan̈a vola fo zen̈y. Vakia 2 Tantara 34:9-11, avio iaraha dinihin̈y fan̈ontanian̈a ty:
-
Akory nataony Israelita tsiaraikiaraiky nan̈ampy tamy fikarakaran̈a tran̈ony Jehovah na tany fivavahan̈a aminazy?
Zahava akory ataony Vavolombelon̈o Jehovah man̈araka raha nataondro zen̈y, alifasa VIDEO io. Avio iaraha dinihin̈y fan̈ontanian̈a aby io.
-
Nan̈ino Tran̈o Fivorian̈a io mila madio ndreky avoakarakara tsara?
-
Ino aby raha azonao atao mba han̈ampian̈a amy zen̈y?
5. Rahalahy afaka manakatra tanjon̈o hahazo andraikitry
Baiboly mampirisiky iro rahalahy aby io han̈ano erakany vitandro amy fanohan̈ana fiangonan̈a. Hahitantsika ohatra amy zen̈y, alifasa VIDEO io. Avio valia fan̈ontanian̈a ambany io.
-
Tamy video in̈y, akory nataony Ryan nifen̈y mare nanohan̈a fiangonan̈a?
Hazavainy Baiboly ino aby fepetra takin̈y amindro rahalahy man̈iry ho pikarakara fiangonan̈a ndreky antipan̈ahy. Vakia 1 Timoty 3:1-13, avio iaraha dinihin̈y fan̈ontanian̈a aby ty:
-
Ino raha takin̈y amindro rahalahy man̈iry ho pikarakara fiangonan̈a ndreky antipan̈ahy?
-
Akory tokony fitondrasandro fianakavian̈andro?—Zahava andininy 4 ndreky 11.
-
Izikoa mifen̈y iro rahalahy aby io man̈araka iro fepetra aby io, ino hatsaran̈a azonolo tsiaraikiaraiky an̈ivony fiangonan̈a?
MISY OLO MIVOLAN̈A: “Akory hazahoany Vavolombelon̈o Jehovah vola han̈anovan̈a asandro?”
-
Akory hamalianao zen̈y?
INO RAHA NIANARANAO TATO?
Manohan̈a fiangonan̈a atsika, ke mampiasa fotoan̈antsika, angovontsika, ndreky raha anan̈antsika. Jehovah ten̈a mankasitraka ezaka mare ataontsika zen̈y.
Fan̈ontanian̈a Fameren̈ana
-
Akory hampiasanao fotoan̈anao ndreky angovonao hanohan̈ana fiangonan̈a?
-
Akory hampiasanao raha anan̈anao hanohan̈ana fiangonan̈a?
-
Ino raha tianao hatao hanohan̈ana fiangonan̈a?
ZAHAVA
Diniha nan̈ino Jehovah tsy mitaky ampahafolo amy pivavaka aminany eky.
“Ino Raha Volan̈iny Baiboly Mikasiky Ampahafolo?” (Lahatsoratra aminy Internet)
Misy andraikitry sasany volan̈in’ny Baiboly fa nataokan̈a niny lelahy vita batisa. Fa akôry ndraiky izikoa misy man̈angy vita batisa tsy maintsy man̈ano andraikitry aby io?
“Fahifan̈a Napetrakany Jehovah An̈ivony Fiangonan̈a” (Tilikambo Fiambesan̈a Fevrie 2021)
Zahava iro Vavolombelon̈o Jehovah mahafoe ten̈a, man̈atitry boky momba Baiboly.
Zahava fa tsy mira amy fivavahan̈a hafa fomba azahoanay vola an̈anovan̈a asanay.
“Baka Aia ma Azahoany Vavolombelon̈o Jehovah Vola?” (Lahatsoratra aminy Internet)
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
