PIKARAKARA PAN̈ATRIKY Iro pikarakara pan̈atriky io natao hitatahy anao. Areha azafady raha volan̈indro momba tany han̈apitrahan̈a tomabily, lalan̈a, fitanan̈a pilasy, na raha hafa.

BATISA Izikoa tsisy fivoany, olo hatao batisa fo mipetraka amy sezy jiaby farany aloha. Amy sabotsy maraindrain̈y, tokony ho efa mipetraka io iro, alohany hanombohany kabaro momba batisa. Iro samy tokony hitondra lamba mety hindesin̈y man̈ano batisa ndreky raha amafan̈a ain̈y.

FAN̈AMEZAN̈A Mila vola ikarakaran̈a sezy ipitrahan̈a, raha man̈ena, fandifasan̈a video, ndreky raha hafa koa. Zen̈y an̈isany mahavy fivoriambe io mamparavoravo ndreky mampihavan̈a atsika tsarabe amy Jehovah. Ilain̈y fan̈amezan̈a ataonao han̈ampian̈a amy raha jiaby zen̈y ndreky hampandihanan̈a asa fitorian̈a erantany. Izikoa tianao han̈amia zay vola tindrinao, mety alatsakanao amy boaty aby amy tany han̈anovan̈a fivoriambe ty. Ten̈a ankasitrahin̈y zay vola tindrinao. Filankevipitantan̈ana koa man̈ano mersy anao mazoto mampandeha asany Fanjakan̈any Zan̈ahary.

FIKARAKARAN̈A OLO MARARY TAMPOKO Aza adin̈a fa izio natao ninolo MARARY TAMPOKO FO.

RAHA VERY NDREKY HITA Izikoa anao mahita raha very, atera amy Sampandraharahany Raha Very Ndreky Hita. Izikoa anao very raha, man̈aton̈a sampandraharaha io man̈azava izio amindro. Tokony haterin̈y an̈y koa tsaiky tsy miaraka amy raimandreniny na very. Azafady ataova pilasy araiky aminao fo zanakanao, amy zen̈y iro voaharamaso ndreky tsy hampanahiran̈a.

SEZY Tsara atsika mba mieritreritry namantsika. Aza adin̈a fa havanao marikitry, olo tomabily araiky aminao, olo tran̈o araiky aminao na olo ampianarinao Baiboly fo mety hitananao pilasy. Azafady aza an̈apitrahan̈a raha amy sezy tsy hipitrahanao.

ASA ANTSITRAPO Izikoa tianao han̈ano asa antsitrapo amy fivoriambeny vondroparitry io, azafady man̈aton̈a iro amy Sampandraharahany Asa Antsitrapo.

FIVORIAN̈A MANOKAN̈A FIOFAN̈ANY PITORY MOMBA FANJAKAN̈ANY ZAN̈AHARY Kahin̈y han̈aton̈o fivorian̈a momba Fiofan̈any Pitory Momba Fanjakan̈any Zan̈ahary amy dimansy folakandra lan̈iany pisava lalan̈a 23 firaka 65 taon̈o, ke man̈iry hampitombo fanompoan̈a. Mbala hambara tany ndreky lera han̈anovan̈a izio.