ASA AN-TSITRAPÔ Izikoa tianao han̈ano asa an-tsitrapô amy fivoriamben’ny vondrom-paritry io, azafady man̈aton̈a irô amy Sampan-draharahan’ny Asa An-tsitrapô.

BATISA Izikoa tsisy fivoany, olo hatao batisa fo mipetraka amy sezy jiaby farany aloha. Amy sabotsy maraindrain̈y, tôkony ho efa mipetraka iô irô, alohany hanombohan’ny kabaro momba batisa. Irô samy tôkony hitondra lamba mety hindesin̈y man̈ano batisa ndreky raha amafan̈a ain̈y.

FAN̈AMEZAN̈A Mila vola ikarakaran̈a sezy ipitrahan̈a, raha man̈ena, fandifasan̈a video, ndreky raha hafa koa. Zen̈y an̈isany mahavy fivoriambe io mamparavoravo ndreky mampihavan̈a atsika amy Jehovah tsarabe. Ilain̈y fan̈amezan̈a ataonao han̈ampian̈a amy raha jiaby zen̈y ndreky hampandihanan̈a asa fitorian̈a eran-tany. Izikoa tianao, anao afaka mandatsaka zay vola tindrinao amy boaty aby amy tany han̈anaovan̈a fivoriambe ty. Anao koa mety man̈ano fan̈amezan̈a baka amy donate.pr418.com. Ten̈a ankasitrahin̈y zay vola tindrinao. Filan-kevi-pitantan̈ana koa man̈ano mersy anao mazoto mampandeha asan’ny Fanjakan̈an’ny Zan̈ahary.

FIKARAKARAN̈A OLO MARARY TAMPOKO Aza adin̈a fa izio natao nin’olo marary tampoko fo.

MPIKARAKARA MPAN̈ATRIKY Mpikarakara mpan̈atriky natao hitatahy anao. Areha azafady raha volan̈indrô momba tany han̈apitrahan̈a tômabily, lalan̈a, fitanan̈a pilasy, na raha hafa.

RAHA VERY NDREKY HITA Izikoa anao mahita raha very, atera amy Sampan-draharahan’ny Raha Very Ndreky Hita. Izikoa anao very raha, man̈aton̈a sampan-draharaha io man̈azava izio amindrô. Tôkony haterin̈y an̈y koa tsaiky tsy miaraka amy raimandreniny na very. Azafady ataova pilasy araiky aminao fo zanakanao, amy zen̈y irô avoa ara-maso ndreky tsy hampanahiran̈a.

SEZY Tsara atsika mba mieritreritry namantsika. Aza adin̈a fa havanao marikitry, olo tômabily araiky aminao, olo tran̈o araiky aminao ndreky olo ampianarinao Baiboly fo mety hitananao pilasy. Azafady aza an̈apitrahan̈a raha amy sezy tsy hipitrahanao.