FANOMBOHAN̈A KORAN̈A
FIANARAN̈A 3
Hatsarampan̈ahy
Toro lalan̈a: “Fitiavan̈a io ... tsara fan̈ahy.”—1 Kor. 13:4.
Ino Raha Nataony Jesosy?
1. Zahava VIDEO, na vakia Jaona 9:1-7, baka io valia fan̈ontanian̈a aby ty:
-
Ino raha nataony Jesosy voanalohany: Nampajanga lelahy jamba io sa nikoran̈a vaovao tsara taminany?—Zahava Jaona 9:35-38.
-
Nan̈ino raha nataony Jesosy io nahavy lelahy io von̈ono hitandren̈y vaovao tsara?
Ino Raha Ianarantsika Baka amy Jesosy?
2. Izikoa tsapanolo fa atsika mahinakinaka izy, hahay ho von̈ono fo izy hitandren̈y atsika.
Aleva Tahaka Jesosy
3. Mifen̈a hahinakinaka olo. Mifen̈a hahatakatra fihetsempônany.
-
Iritrireta hely: ‘Ino raha mampiasaloha izy? Ino raha mety han̈ampy izy ndreky hamparavoravo izy?’ Fan̈anaovanao zen̈y han̈ampy anao han̈aboaka ten̈a hatsarampan̈ahy ndreky tsy fivadihan̈a.
-
Aboaha fa ten̈a raha maventy aminao raha koran̈iny ke tandrin̈esa izy. Izikoa olo ikoran̈anao io man̈ambara raha tsapany na problemo mahazo izy, tohiza fo koran̈anany fa aza hivoan̈a.
4. Man̈aboaha hatsarampan̈ahy ndreky fan̈ajan̈a izikoa fa mikoran̈a. Ren̈y amy volan̈a ataontsika izikoa atsika mahinakinaka olo ndreky ten̈a tihan̈ampy izy. Fidiana tsarabe volan̈a hampiasainao ndreky fomba hivolan̈anao izy, baka io tandrema tsao tafivolan̈a raha hampameloko izy.
5. Mivon̈osa han̈ampy. Mitadiava fomba mety tsarabe han̈ampian̈a olo. Fan̈aboahantsika hatsarampan̈ahy karaha zen̈y mira man̈abian̈a varavaran̈a amy fanombohan̈a koran̈a.
ZAHAVA KOA
Rom. 12:15, 16; Gal. 6:10; Heb. 13:16
