FANOMBOHAN̈A KORAN̈A
FIANARAN̈A 4
Fanetrenten̈a
Toro lalan̈a: “Mahaiza manetry ten̈a, ke olo hafa fo ataova an̈abon̈abo mandilatra anao.”—Fil. 2:3.
Ino Raha Nataony Paoly?
1. Zahava VIDEO, na vakia Asan’ny Apostoly 26:2, 3, baka io valia fan̈ontanian̈a aby ty:
-
Akory nataony Paoly ke ahitan̈a fa izy nanetry ten̈a izikoa fa nikoran̈a tamy Panjaka Agripa?
-
Akory nataony Paoly tsy hisariky sain̈inolo taminany fa tamy Jehovah ndreky tamy Soratra Masin̈y?—Zahava Asan’ny Apostoly 26:22.
Ino Raha Ianarantsika Baka amy Paoly?
2. Izikoa atsika manetry ten̈a ndreky man̈aja koa fa mikoran̈a aminolo, manjary moramora aminolo hitandren̈y hafatra hindesintsika.
Aleva Tahaka Paoly
3. Hajà olo. Aza man̈ano raha hahavy olo hieritreritry fa anao ny ten̈a mahay raha fa izy tsisy raha hay.
4. Ataova mazava tsarabe fa miorin̈y amy Baiboly fahamarin̈ana ambaranao. Volan̈a Zan̈ahary io misy vokany aminy eritreritry ndreky fô. Atsika koa mampiasa Baiboly, atsika afaka han̈ampy olo hatoky volan̈a Zan̈ahary.
5. Kalma fo. Aza mifen̈y man̈aporofo fa marin̈y raha volan̈inao. Atsika tsy mitady ady aminolo. Aboakantsika fa atsika manetry ten̈a, ke atsika tsy mimalo aminolo fa mizaha fomba hialan̈a iô fo. (Ohab. 17:14; Tit. 3:2) Valinteny malemy amiantsika in̈y mety hahavy izy hitandren̈y atsika amy man̈araka.
ZAHAVA KOA
Rom. 12:16-18; 1 Kor. 8:1; 2 Kor. 3:5
