FIANARAN̈A 15
Aboaha fa Ten̈a Mino Raha Volan̈inao io Anao
1 Tesalonianina 1:5
RAHA MILA ATAO: Aboaha fa anao ten̈a resy lahatra ankitin̈y fa marin̈y raha volan̈inao io, baka io ten̈a mila maharen̈y izio olo.
AKORY HAN̈ANAOVAN̈A IZIO?
-
Omàn̈a tsarabe raha hikoran̈inao. Ataova mazava aminao tsarabe raha hikoran̈inao io. Diniha ino aby andininteny man̈amporofo izio. Baka io an̈ohara hazavain̈y hevitry maventy, ataova tsotra ndreky fohiky fan̈azavan̈anao. Iritrireta nan̈ino izio mahatsara olo. Mangataha fan̈ahy masin̈y amy Jehovah.
-
Fidiana tsarabe volan̈a ampiasainao. Aza mamaky raha misoratra an̈aty boky na gazety fo, fa izio hazavà erakany ten̈a fahazahoanao izy. Fidiana tsarabe raha hivolan̈inao, baka ho hita fa anao ten̈a mahazo antoko raha koran̈inao.
-
Aboaha fa anao ten̈a resy lahatra. Mivolan̈a mare tsarabe. Zahava amy masonany olo ikoran̈anao, izikoa mety man̈ano zen̈y aminaro an̈y.
