Iritrireta, ino mahavy anao mamaky andininy io. Isaka anao hamaky andininy, man̈anova fampidiran̈a hely baka ho hitanolo mitandren̈y anao hevitry maventy aminy andininy vakinao io.

Ataova manankery fo hevitry Baiboly. Izikoa fa mikoran̈a aminolo mino Zan̈ahary, ataova mazava tsarabe fa “Volan̈a Zan̈ahary” amy Baiboly ao, ke aboakantsika amy zen̈y fa hevitry Zan̈ahary ampianarintsika io.

Ataova raha hahavy olo tsy an̈adin̈a andininy io. Man̈apitraha fan̈ontanian̈a fa andininy io mamaly izy, na mivolàn̈a problemo araiky fa andininy io mamaha izy, na mampiasà tantara araiky baka amy Baiboly ao man̈azava toro lalan̈a araiky.