1. Maharitry Mandrakizay Fitiavany Jehovah
1 ANAO TIANY ZAN̈AHARY
“Anaro aza miala amy fitiavany Zan̈ahary ... sady mitsinjo fiain̈ana tsisy farany.”—Joda 21
Ino mahavy anao matoky fa Zan̈ahary tia anao?
-
Jaona 3:16; 1 Jaona 4:8-10; Apokalypsy 4:11
Jehovah nan̈amboatra raha maro ambony tany eto baka atsika ho ravoravo amy fiain̈ana. Tsy niova tanjon̈o Jehovah momba tany ty ndray nanota Adama ndreky Eva. Namiany koa Zanakanany han̈amia vidipan̈avotan̈a baka atsika hahazo fiain̈ana mandrakizay.
-
Salamo 65:2; Asan’ny Apostoly 5:32
Rango izio Jehovah efa man̈ampy atsika ke namezany Baiboly, fan̈ahy masin̈y ndreky fahafahan̈a hivavaka aminany. Tandrin̈esany tsarabe koa vavaka ataontsika.
2 MAHATSARA ATSIKA FO FAN̈ARAHAN̈A VOLAN̈A JEHOVAH
“Zaho Zan̈aharinao Jehovah, mampianatra anao raha hahatsara anao.”—Isaia 48:17
Akory hazahoanao hatsaran̈a baka amy fan̈arahan̈a volan̈a Jehovah?
-
Deoteronomia 5:28-33; 6:24
Hitany Jehovah atsika mifen̈y man̈araka volan̈anany io. Mankatsara fiain̈anantsika rango izioty firaka aminy amaray an̈y fan̈arahan̈a volan̈a Jehovah io.
3 ABOAHA FITIAVANAO JEHOVAH
“Dikany tia Zan̈ahary zen̈y mitandrin̈y didinany.”—1 Jaona 5:3
Akory hahavitantsika man̈araka volan̈a Jehovah?
-
Deoteronomia 30:11; Salamo 103:14
Hainy Jehovah fa atsika io tsy lavorary. Izy tsy han̈iraka atsika han̈ano raha tsy ho vitantsika.
-
Ohabolana 27:11; Romanina 7:21-25
Fitiavantsika Jehovah mahavy atsika von̈ono fo han̈araka raha volan̈iny ndray tsy mora zen̈y.
-
Ohabolana 6:16-19; Efesianina 5:17
Toro lalan̈a Baiboly mampianatra atsika hevitry Zan̈ahary. Torolalan̈a io koa man̈ampy atsika hanan̈a toetsain̈y tsara ndreky ho tia Jehovah amy fo jiaby. Izio koa man̈ampy atsika hahay ny tokony hatao lera misy raha tsy ten̈a ahitantsika torohevitry mazava amy Baiboly ao.
