11. Afarany Mariazy
1 VADIAN̈A IO MAN̈AMIA VONINAHITRY JEHOVAH
“Fitiavan̈a io tsy ho ravan̈a mandrakizay.” —1 Korintianina 13:8
Ino han̈ampy atsika hamaha raha manahiran̈a amy vadian̈antsika?
-
Mpitoriteny 5:4; Matio 19:4-6
An̈atiny tokantran̈o, tsy maintsy misy raha manahiran̈a fo. Ndray zen̈y, atsika tsy tokony halaky hisaraka.
-
Salamo 25:4; Isaia 48:17, 18; Matio 6:33, 34
Olo fivadiany koa samy tia Jehovah tsarabe, vadian̈andro ho fatatra fo.
2 RAHA VOLAN̈INAO NDREKY ATAONAO MISY VOKANY AMY VADIAN̈ANAO
“Iroroe hanjary nofotro araiky fo.”—Genesisy 2:24
Ino raha han̈ampy olo araiky tsy han̈ano raha hampalahelo vadiny?
-
Matio 5:28; Efesianina 4:31
Aza mandiadia vady na an̈aty eritreritrinao an̈y. Iritrireta koa fihetsehamponany. Izikoa misy raha nataonao ke nampalahelo izy, anao mila von̈ono hiova.
-
Galatianina 5:15
Atsika tsy tokony handratra fo na hamopoko vadintsika. Mandrobaka tokantran̈o volan̈a mandratra io.
-
Ohabolana 5:18; Hebreo 13:4
Fahotan̈a maventy fahitany Jehovah olo mandiadia vady zen̈y. Tokony ho tapakevitry tsy hivadiky amy vadiny olo manambady, ke hieritreritry fo fa masin̈y vadian̈a io. Atsika tsy tokony hangala baraka Jehovah ndreky vadintsika.
3 ATAOVA RAHA HAMPAFATATRA TOKANTRAN̈ONAO
“Fahendrena raha ilain̈y han̈oren̈ana tran̈o.” —Ohabolana 24:3
Akory hanan̈anao tokantran̈o fatatra ndreky sambatra?
-
Ohabolana 24:4; Matio 6:14, 15; Romanina 12:2; 1 Petera 3:1
Mitadiava fotoan̈a hikoran̈ana amy vadinao. Anao mila tsara fan̈ahy, man̈aja, ndreky be fitiavan̈a fo koa miaraka amy vadinao. Malakisa mamela heloko.
-
Ohabolana 14:1; 31:29; Filipianina 1:9; 2:4; 1 Petera 3:7
Iangavia Jehovah han̈ampy anao hanjary vady tsara. Mifen̈a fo ho tsara fan̈ahy ndreky be fitiavan̈a.
-
Romanina 12:10; 1 Petera 4:8
Ho fatatra fo tokantran̈onao ndreky ho ravoravo Jehovah izikoa anao mifen̈y fo man̈ano erakany vitanao hankatia ndreky han̈amia voninahitry vadinao.
