13. Fety Jiaby io ma Mamparavoravo Jehovah?
1 RAHA JIABY ATAONTSIKA TOKONY HAN̈AMIA VONINAHITRY JEHOVAH
“Ke anaro na mihinan̈a na migiaka, na ino na ino raha ataonaro, ataova han̈amezan̈a voninahitry Zan̈ahary raha jiaby.”—1 Korintianina 10:31
Akory hahavy atsika hangala fanapahankevitry tsara momba fety?
-
Ohabolana 15:15; Mpitoriteny 3:12, 13; Asan’ny Apostoly 20:35; 2 Korintianina 9:7
Tiany Jehovah atsika hankafy fiain̈ana. Isanandra tiany atsika ho tsara fan̈ahy ndreky tsy hatity, fa tsy aminy andra araiky fo.
-
Eksodosy 32:1-6; Apokalypsy 12:9
Tsy mora ndraikindraiky mahay ino raha tokony hatao. Satana mifen̈y mamitaka atsika baka atsika tsy hahay han̈avaka ny tsara ndreky ny ratsy.
-
Jaona 8:32; Hebreo 5:14
Ianara baka aia naviany fety malaza aby io tsao fo tsy mamparavoravo Jehovah.
2 ANKAMAROZANY FETY MALAZA ABY IO BAKA AMY PANOMPO SAMPY
“Anaro hahay ny marin̈y, ke ny marin̈y io hankafaka anaro.”—Jaona 8:32
Baka aia ma naviany fety sasany?
-
2 Korintianina 6:14-18; 2 Jaona 6, 7
Apostoly aby io koa fa naty, nisy papianatra sandoko nampiditry fombafomba ndreky fetiny panompo sampy tamy fiangonan̈a ke nataondro fety Kristianin̈y an̈arany. Maro amindro io mbala ankalazainolo firaka izio, ohatra Paka ndreky Halloween.
-
Man̈erantany, maro olo mankalaza Noely amy 25 Desambra. Kanefa tsy io daty nitirahany Jesosy.
-
Genesisy 40:20-22; Marka 6:21-29
Tsy nankalaza aniversera Kristianin̈y Voanalohany. Ratsy koa tantara amy Baiboly ao momba aniversera io.
3 MAHAIZA MANAPAKEVITRY MOMBA FETY
“Zahava tsarabe fo raha tiany Tompo.” —Efesianina 5:10
Ino aby fety tsy tokony hataony Kristianin̈y? Anao koa hanapakevitry momba fety, man̈ontania ten̈a karaha ty:
-
Isaia 52:11; 1 Korintianina 4:6; 2 Korintianina 6:14-18; Apokalypsy 18:4
Izio ma misy ifandraisany amy fivavahandiso na demony?
-
Jeremia 17:5-7; Asan’ny Apostoly 10:25, 26; 1 Jaona 5:21
Izio ma misy ifandraisany amy fankalazan̈a olo, na fikambanan̈a, na tanindrazan̈a?
-
Asan’ny Apostoly 10:34, 35; 17:26
Fety io ma mahavy firazan̈ana na firenena araiky hiavaka mare?
-
Salamo 97:10; 1 Korintianina 2:12; Efesianina 2:2; 1 Petera 4:3
Izio ma man̈aparitaka “toetsain̈iny donia ty,” ke mahavy olo higiaka toaka na ho ratsy fitondranten̈a?
-
Romanina 14:21
Zaho koa man̈aton̈o fety io, mety ho hisy olo tafintohin̈y?
-
Romanina 12:1, 2; Kolosianina 4:6; 1 Petera 3:15
Zaho koa hanapakevitry tsy han̈aton̈o fety io, akory han̈azavako aminolo antony tsy handihanako?
