15. Ankafiza Asanao
1 TIANY JEHOVAH ATSIKA HANKAFY ASANTSIKA
“Haiko koa fa olo jiaby tokony hihina, higiaka ndreky ho ravoravo baka aminy angovonany tompiny. Zen̈y kado baka amy Zan̈ahary.” —Mpitoriteny 3:13
Ino ivolan̈ana fa asa io fan̈amezan̈a baka amy Zan̈ahary?
-
Genesisy 1:1, 31; Mpitoriteny 2:24; Jaona 5:17
Jehovah miasa mare. Ten̈a mamparavoravo izy asanany. Tiany ho ravoravo karaha izy koa atsika koa fa miasa.
-
Ohabolana 8:22-31; Kolosianina 1:15-17
Jesosy koa tsy voly miasa mare, na taminizy tambony tany teto na izy andan̈itry an̈y.
-
Marka 6:3; Lioka 21:37, 38; Jaona 4:31-38; 17:4
Jesosy nifen̈y nan̈amia farany tsara vitany taminy asanany ndreky nankefa izio fo, ndray tsy mora zen̈y.
2 ATSIKA METY MANKATSARA FOMBA FAHITANTSIKA ASANTSIKA IO
“Asa anao mba efa nahita olo mahay miasa tsarabe? Man̈oloan̈a panjaka izy mitsangana.”—Ohabolana 22:29
Ino raha han̈ampy atsika hankafy asantsika?
-
Ohabolana 12:24; Kolosianina 3:22-24; Hebreo 13:18
Atsika mety tsy ho afaka man̈ova asantsika fa atsika ndraiky afaka man̈ova toetsain̈intsika. Tiantsika koa han̈ano ny marin̈y ndreky hiasa mare.
-
Ohabolana 27:11; 1 Timoty 5:8; 1 Petera 2:12
Man̈araka volan̈a Zan̈ahary atsika izikoa mifen̈y miasa hikarakaran̈a raha ilainy fianakavian̈antsika. Man̈amia voninahitry Jehovah koa laza tsara anan̈anao ampiasan̈a an̈y.
-
Eksodosy 20:13-15; Ohabolana 2:6; Romanina 14:19-22; Efesianina 5:28–6:4; 1 Jaona 5:3; Apokalypsy 18:4
Baiboly mampianatra fa asa fidintsika io misy vokany amintsika, amy fianakavian̈antsika, amy rahalahy ndreky anabavy, indraka eky fa amy Jehovah.
3 HAN̈AMPY ANAO HANKAFY ASANAO FAN̈ANOVAN̈A RAHA MAVENTY AMY TOERAN̈A VOANALOHANY
“Baka ho hainaro tsarabe raha ten̈a maventy.” —Filipianina 1:10
Ino raha mila ataontsika voalohantoeran̈a?
-
Salamo 37:25; Ohabolana 3:5, 6; 1 Petera 5:7
Matokisa fa hainy Jehovah raha jiaby ilainao amy fiain̈ananao isanandra.
-
Matio 6:25-32; 1 Timoty 6:8-10; Hebreo 13:5
Mahaiza afapo amy raha efa hanan̈anao.
-
Ohabolana 10:22; Matio 6:33; 28:19, 20; Hebreo 10:24, 25
Mifen̈a amy fanompoan̈a Jehovah baka io mitoria vaovao tsara. Zen̈y asa ten̈a maventy tokony hataontsika.
