“Areha volan̈a Zan̈ahary, baka io tohera Devoly fa izy hilefa anaro edy.”—Jakoba 4:7

Akory havitantsika hanohitry Devoly?

• Apokalypsy 7:9, 14

  Efa niferany Jehovah raha mety ho vitany Satana amintsika. Jehovah efa nampan̈anten̈a fa maro olo ho tafiboaka velon̈o amy donia vaovao.

• 2 Tantara 15:2

  Atsika koa mifen̈y tsy mivadiky amy Jehovah, tsy ho vitany Satana foeky handrobaka fihavan̈antsika amy Jehovah io.

• 1 Korintianina 10:13; Hebreo 11:4-40

  Jehovah mampan̈anten̈a fa izy han̈ampy atsika tsy hivadiky karaha nataony nan̈ampy panomponany letry zay.

“Efa haintsika tetiky ratsy ataony.” —2 Korintianina 2:11

Ino aby karazan̈a fandriky ampiasainy Satana?

• Jaona 15:19; Apokalypsy 12:12, 17

  Satana mamehy donia ty, kanefa tsy vitany mamehy panompony Jehovah, ke zen̈y mahavy Satana man̈enjiky atsika.

• Genesisy 3:1; Galatianina 5:19-21; Efesianina 6:12

  Devoly mifen̈y mizaha ino raha mampalemy atsika, baka io in̈y ampiasainy hamandrihan̈a atsika.

• Levitikosy 19:26; Isaia 1:13, 15; Marka 5:25, 26

  Mila mitandrin̈y mare atsika koa fa mifidy fitahan̈a ataontsika. Mety ho kivy mare olo araiky izikoa izy tsy mety janga ke mety han̈andran̈a fitahan̈a misy ifandraisany amy demony.

• Deoteronomia 18:10-12; Asan’ny Apostoly 19:19; Galatianina 6:7; Apokalypsy 21:8

  Izikoa hitany demony aby io fa manomboko tia raha misy ifandraisany amindro olo araiky, hararotindro zen̈y hamandrihan̈a izy. Izikoa atsika tsy mitandrin̈y, mety ho robaka fihavan̈antsika amy Jehovah.

“Devoly... tsy vitany pavandy fo fa izy koa babany vandy.”—Jaona 8:44

Akory hahavy atsika tsy hitandren̈y vandiny Devoly?

• Romanina 1:11, 12; 2 Timoty 2:16

  Maro olo mitantara fa Satana ndreky demony aby io ten̈a mahavita raha miavaka. Atsika ndraiky tsy tokony hikoran̈a raha mampavozo karaha zen̈y fa tokony hifankahery amy piaramanompo amintsika fo.

• Efesianina 6:11

  Ho moramora amintsika hanohitry Satana ndreky tsy hivadiky amy Jehovah izikoa fa haintsika tetiky Satana.