2. Manan̈a Eritreritry Madio Man̈oloan̈a Jehovah
1 FAN̈AMEZAN̈A BAKA AMY JEHOVAH ERITRERITRY IO
“Ke eritreritrinany tompiny fo man̈amia tsin̈y izy na man̈adoso tsin̈y izy.”—Romanina 2:14, 15
Amy fomba akory eritreritrinao io mety han̈ampy anao?
-
Salamo 139:23, 24
Eritreritrintsika io natao han̈ampy atsika hahay han̈avaka ny tsara ndreky ny ratsy. Izio koa man̈ampy atsika handininten̈a tsarabe.
-
1 Samoela 24:5; Joba 27:6
Eritreritrintsika io mety hitariky atsika amy lalan̈a tsara ndreky han̈alavitry lalan̈a ratsy. Izio koa mahavy atsika hahatsiaro malahelo koa nan̈ano raha tsy mety, fa ho ravoravo ndraiky koa nan̈ano raha tsara.
2 MILA AMPIOFAN̈INY ERITRERITRINTSIKA IO
“Fo io mamitaka mandilatra raha hafa jiaby, sady sarotro fihezin̈y koa.”—Jeremia 17:9
Ino raha namiany Jehovah atsika hampiofan̈ana eritreritrintsika?
-
Romanina 9:1; 1 Korintianina 4:4
Tsy lavorary atsika ke mety ho diso eritreritrintsika io. Dikany zen̈y, fan̈ahy masin̈y tokony hitariky atsika fa tsy fihetsehampontsika.
-
Hebreo 5:14; 1 Petera 3:16
Amy Baiboly ao ahitantsika fomba fihevitry Jehovah. Zen̈y man̈ampy atsika hahay han̈avaka ny tsara ndreky ny ratsy sady mampiofan̈a eritreritrintsika.
3 TSY MITOVY ERITRERITRINTSIKA TSIARAIKIARAIKY
“Irarian̈a anaro tsiaraikiaraiky samy hizaha raha mahatsara namanaro, fa tsy raha mahatsara anaro tompiny fo.”—1 Korintianina 10:23, 24
Akory an̈aboahantsika fa atsika man̈aja eritreritrinolo hafa?
-
Romanina 15:1, 3
Tsy mitovy eritreritrinolo tsiaraikiaraiky. Mety tsy mampan̈ino eritreritrinao man̈ano raha araiky fa mety tsy ho mety aminolo hafa ndraiky zen̈y.
-
1 Korintianina 10:31-33
Apostoly Paoly nikarakara raha nilaindro rahalahy ndreky anabavy aby io mandilatra raha nilainy manokana. Fihetsehampondro raha ten̈a maventy taminany mandilatra raha tiany.
-
Romanina 14:10, 19
Namiany Jehovah eritreritry atsika ke izio hitsara atsika tompiny fa tsy olo hafa. Atsika tsy tokony han̈izingizin̈y fa nintsika marin̈y, fa niny namantsika diso.
4 JEHOVAH AFAKA MAN̈AMPY ATSIKA HANAN̈A ERITRERITRY MILAMIN̈Y
“Ke zen̈y han̈amezantsika toky fontsika man̈oloan̈a izy, fotony Zan̈ahary mbala bebeny fontsika ndreky mahay raha jiaby.”—1 Jaona 3:19, 20
Nan̈ino atsika tsy tokony ho kivy izikoa mahatsiaro raha tsy nety nataontsika taloha tan̈y?
-
Salamo 86:5; 1 Korintianina 6:11
Mety hankarary fontsika mare mahatsiaro hadisovan̈a nataontsika taloha tan̈y, ke mety hahavy atsika hahatsiaro tsisy dikany zen̈y ndray atsika efa nibebaka. Atsika tsy afaka han̈ova raha efa loso. Jehovah efa nan̈ambela hadisoavan̈antsika ke efa nifafany helokontsika. Efa madio atsika man̈oloan̈a izy.
-
Galatianina 6:2; 1 Petera 2:16
Toro lalan̈a amy Baiboly ao fototro ioren̈any ‘Lalàn̈any Kristy’ io fa tsy amy lalàn̈a. Ke ndray tsisy lalàn̈a mikasiky raha araiky, zen̈y tsy tokony atao fan̈odian̈a han̈anovany Kristianin̈y raha ratsy.
