“Olo man̈ano raha mahitsy fo ho tsara fihavan̈ana aminany.”—Ohabolana 3:32

Akory hahavy atsika hahay hifidy naman̈a?

• Romanina 1:11, 12; 2 Korintianina 6:13; 1 Petera 2:17

  Atsika mety mifidy kamarady baka amy tany isankarazany. Fa ny raha ten̈a maventy fo mila olo tia Jehovah fo ataontsika naman̈a.

• Rota 1:14, 16; 1 Samoela 18:1; Filipianina 2:20-22

  Maro naman̈a tsara koran̈iny Baiboly.

“Olo ten̈a naman̈a zen̈y mira rahalahy von̈ono han̈ampy amy fotoan̈a jiaby, indraka eky amy fotoan̈a isiany raha mampiory.”—Ohabolana 17:17

Ino raha mety ataontsika izikoa atsika tsy fankahazo amy namantsika?

• Salamo 133:1; Matio 6:14, 15; Romanina 14:19

  Man̈anova dingan̈a voanalohany hihavan̈ana baka anaro ho kamarady fo.

• Ohabolana 17:9; Kolosianina 3:13; 1 Petera 4:8

  Fitiavan̈a han̈ampy atsika hihavan̈a amy namantsika fo izikoa fa misy raha tsy mampitovy hevitry. Han̈ampy atsika han̈ambela hadisovan̈anany ndreky tsy hivadiky aminany koa fitiavan̈a io.

• Salamo 141:5; Ohabolana 27:6

  Aleva onon̈o fa naman̈a tsara zen̈y tsy mavozo mikoran̈a raha marin̈y momba namany.

• Ohabolana 12:18; 18:24; 1 Jaona 3:16-18

  Mifen̈a tsy hivadiky amy namanao, fa zen̈y ahitan̈a fa anao naman̈a tsara.

‘Marin̈y fa tsisy sazy mamparavoravo betibety io, kanefa izio baka io, mitondra fahamarin̈ana.’—Hebreo 12:11

Ino raha mety ataontsika izikoa namantsika niala Jehovah?

• 1 Korintianina 5:11-13; 2 Jaona 9-11

  Izikoa namantsika nan̈ano raha ratsy kanefa tsy man̈eky ampian̈a, zen̈y man̈ambara fa izy nifidy tsy ho an̈isany fiangonan̈a.

• 1 Petera 1:15, 16

  Fitiavan̈a Jehovah ndreky an̈aran̈any avio fitsipikinany mahavy fandroasan̈a io.