4. Nan̈ino Atsika Tokony Han̈aja Fahifan̈a?
1 JEHOVAH NANENDRY OLO SASANY HITARIKY ATSIKA
“Man̈ajà karazan̈olo jiaby, ... matahora Zan̈ahary.”—1 Petera 2:17
Nan̈ino mety ho sarotro amintsika han̈aja fahifan̈a?
-
Nomery 16:1-3; Mpitoriteny 8:9; Romanina 5:12
Olombelon̈o tsy lavorary mira atsika fo koa ampiasainy Jehovah hitariky atsika.
-
Ten̈a nan̈ambela ohatra tsara Jesosy tamy fan̈ajan̈a fahifan̈a. Izy nan̈araka volan̈a Jehovah fo.
-
Ohabolana 27:11; Marka 12:29, 30
Fitiavantsika Jehovah mahavy atsika von̈ono han̈aja lamin̈y nataony. An̈aty fianakavian̈a misy lohany. A lekoly misy pampianatra. Amy fiangonan̈a misy antipan̈ahy.
2 BAKA AMY JEHOVAH LAMIN̈Y AN̈ATINY FIANAKAVIAN̈A
“Zaho mandoaliky amy Baba, baka aminany hazahoany fianakavian̈a jiaby an̈aran̈a.” —Efesianina 3:14, 15
Nan̈ino tiany Jehovah atsika han̈aja lamin̈y nataony an̈atiny fianakavian̈a?
-
Ohabolana 10:1
Fianakavian̈a io toeran̈a araiky azo antoko, nataony Jehovah hahavy tsaiky hitombo tsara ndreky hahavy fianakavian̈a ho ravoravo ndreky hifandray tsarabe.
-
Ohabolana 1:8; 1 Korintianina 11:3; Efesianina 6:1-3; 1 Petera 3:1
Ho sambatra fianakavian̈a izikoa iro jiaby ao samy man̈ano andraikitrindro tsiaraikiaraiky.
3 JESOSY NAMIANY JEHOVAH FAHIFAN̈A HITARIKY FIANGONAN̈A
“Kristy koa lohany fiangonan̈a” —Efesianina 5:23
Nan̈ino atsika mila man̈araka lamin̈y misy an̈atiny fiangonan̈a?
-
Jesosy mampiasa “panompo atokisan̈a ndreky mahadiniky raha” hikarakara raha ilainy olony Zan̈ahary erantany.
-
1 Tesalonianina 5:12; Hebreo 13:17
Iro antipan̈ahy ndreky pan̈ampy amy fanompoan̈a aby io man̈ampy fiangonan̈a hatanjaka arapan̈ahy fo. Man̈aja fahifan̈any Jehovah atsika, izikoa man̈aja iro rahalahy aby io.
-
Atsika jiaby samy hahazo hatsaran̈a izikoa atsika manohan̈a fiangonan̈a. Izio lamin̈y nataony Jehovah amy fanompoan̈a izy.
4 NAMIANY JEHOVAH FAHIFAN̈A KOA IRO PITONDRA FANJAKAN̈A
“Tsisy fahifan̈a koa tsy baka amy Zan̈ahary. Ia, manampahifan̈a aby io samy napetraka Zan̈ahary amy toeran̈andro.”—Romanina 13:1
Akory han̈aboahantsika fa atsika man̈aja iro manampahifan̈a aby io?
-
Matio 5:16; 1 Petera 3:15
Izio aboakantsika baka amy raha volan̈antsika ndreky raha ataontsika. Hahazo voninahitry Jehovah atsika koa man̈ano zen̈y.
-
Asan’ny Apostoly 26:2, 25; Romanina 12:17, 18
Kristianin̈y man̈aja lalàn̈a amy tany misy iro. Iro mifen̈y fo man̈aja lalàn̈a ndray iro hampijalin̈y.
-
Romanina 13:1-4
Toro lalan̈a Baiboly koa afaka man̈ampy anao han̈aja olo manan̈a fahifan̈a.
-
Matio 22:37-39; 26:52; Jaona 18:36; Asan’ny Apostoly 5:27-29; Hebreo 10:24, 25
Izikoa misy manampahifan̈a manery anao han̈ano raha mifanohitry amy fitsipiky Jehovah, mila fidinao fahifan̈anjovy arahinao.
