6. Karakory Fangalan̈a Diandian̈a Fidintsika
1 FANGALAN̈A DIANDIAN̈A FIDINTSIKA AHITAN̈A FITIAVANTSIKA JEHOVAH
“Ataova han̈amezan̈a voninahitry Zan̈ahary raha jiaby.”—1 Korintianina 10:31
Nan̈ino atsika mila mitandrin̈y tsarabe koa fa hifidy fangalan̈a diandian̈a?
-
Salamo 11:5, 7; 34:14; Romanina 12:9; 1 Korintianina 6:9, 10
Aminy andra izioty, ankamarozany filma na fandaharan̈a amy tele, jeux video na hira, na raha aminy internet, na raha hafa, samy ahitan̈a fitondranten̈a ratsy ndreky ady, na koa raha misy ifandraisan̈a amy demony.
-
Marka 12:30; Romanina 12:1, 2
Fangalan̈a diandian̈a ataontsika io mety hankahery atsika na hampivadiky atsika amy Jehovah.
-
Jeremia 17:9; Galatianina 6:7
Misy vokany amintsika fangalan̈a diandian̈a ataontsika.
2 TORO LALAN̈A BAIBOLY AFAKA MAN̈AMPY ATSIKA HIFIDY FANGALAN̈A DIANDIAN̈A
“Ataova fo raha hahaizanaro sitrapony Jehovah.”—Efesianina 5:17
Ino toro lalan̈a Baiboly han̈ampy atsika hahay hifidy fangalan̈a diandian̈a?
-
Salamo 16:8; Ohabolana 6:16-19; Galatianina 5:19-21
Atsika tsy tokony han̈ano raha tsy tiany Jehovah karaha ataony ady, raha misy ifandraisany amy demony, na raha misy fitondranten̈a ratsy.
-
Salamo 19:14; Filipianina 4:8
Ho ravoravo Jehovah izikoa raha tsara fo an̈aty jerintsika ndreky iritriretintsika.
-
Matio 6:33; Efesianina 5:15, 16
Mila mitandrin̈y atsika tsao fo be loatra fotoan̈a lanintsika amy fangalan̈a diandian̈a. Tokony fanompoan̈a Jehovah raha voalohantoeran̈a amy fiain̈anantsika.
3 MISY VOKANY AMINOLO HAFA SAFIDINTSIKA
“Irarian̈a anaro tsiaraikiaraiky samy hizaha raha mahatsara namanaro, fa tsy raha mahatsara anaro tompiny fo.”—1 Korintianina 10:24
Nan̈ino atsika tokony hieritreritry olo hafa koa fa hifidy fangalan̈a diandian̈a?
-
Mpitoriteny 7:16; Romanina 2:21
Mety tsy hitovy fangalan̈a diandian̈a fidiny Kristianin̈y. Atsika tsy tokony hitsara namantsika amy raha nifidiny atao, fa atsika tokony hahay hifidy fangalan̈a diandian̈a tsara.
-
Galatianina 6:5; Filipianina 4:5
Tsy eritreritrinolo hafa hitsara atsika amy fangalan̈a diandian̈a fidintsika fa eritreritrintsika tompiny fo, fotony tsy mitovy eritreritrinolo jiaby.
-
1 Korintianina 10:32; Filipianina 1:10
Tsy tiantsika hanafintohin̈y piaramanompo amintsika, ke zen̈y mahavy atsika tokony hitandrin̈y tsarabe amy fangalan̈a diandian̈a ataontsika.
