7. Anao ma mba Man̈aja Fahin̈ana Mira Zan̈ahary?
1 FAHIN̈ANA IO MISY VALERA AMY JEHOVAH
“Anao loharanony fahin̈ana.”—Salamo 36:9
Ino ivolan̈antsika fa fan̈amezan̈a ten̈a tsara fahin̈ana io?
-
Genesisy 1:27; Salamo 19:7-11; Ohabolana 2:6-11
Jehovah nan̈amboatra raha jiaby, an̈isany zen̈y atsika olombelon̈o. Ten̈a misy valerany aminany atsika ke tiany ho ravoravo fo ndreky hanan̈a fiain̈ana misy dikany.
-
Romanina 14:12; Galatianina 6:5
Atsika tsy nataony Jehovah karaha lamasiny. Atsika namiana safidy malalaka ndreky fahaizan̈a manapakevitry, ke afaka man̈aboaka fa misy valerany amintsika fahin̈ana io.
2 LIO IO MASIN̈Y AMY JEHOVAH
“Fotony amy lio ao misy fahin̈ana.” —Levitikosy 17:11
Akory fahitany Jehovah lio io?
-
Levitikosy 17:10; Ohabolana 13:16; Asan’ny Apostoly 15:20; Romanina 12:2
Ohatra misy fitsaboan̈a ataontsika mitaky fan̈ampidiran̈a lio, amy fotoan̈a zen̈y atsika mila manapakevitry na hampidiran̈a lio na tsy hampidiran̈a. Tsy mety izikoa olo hafa manapakevitry amy pilasintsika. Ke alohany hisiany raha karaha zen̈y, atsika mila mivavaka ndreky man̈ano fikarohan̈a tsara.
-
Genesisy 9:4, 5, 9; Deoteronomia 12:16; Asan’ny Apostoly 15:28, 29
Baiboly mivolan̈a fa amy lio ao misy fahin̈ana. Tsiary niova koa lalàn̈any Zan̈ahary mikasiky lio, rango taminy andrany Noa firaka tamy fotoan̈a nan̈amezany Zan̈ahary Lalàn̈any Mosesy tamindro Israelita aby io, ke nitohy firaka taminy andrany Kristianin̈y.
3 TOKONY HITOVY AMY JEHOVAH FAHITANTSIKA FAHIN̈ANA IO
“Habosany lalan̈anaka koa ampitovisin̈y amy lalan̈anaro, ndreky hevitrinaka koa ampitovisin̈y amy hevitrinaro.”—Isaia 55:9
Akory an̈aboahantsika fa raha ten̈a maventy amintsika fahin̈ana io?
-
Eksodosy 21:22, 23
Misy dikany amy Jehovah aby fahin̈ananolo tsiaraikiaraiky. Fan̈adosoan̈a tsaiky zen̈y ratsy, fotony amy Zan̈ahary ndray zazamena an̈aty kibo efa misy fahin̈ana edy.
-
Salamo 103:8-14; Asan’ny Apostoly 3:19; Efesianina 1:7
Man̈angy araiky koa nan̈adoso tsaiky taloha tan̈y, fa izy izioty efa mibebaka, ambelany Jehovah adisovan̈anany.
-
Salamo 11:5; Mpitoriteny 11:9, 10
Aboakantsika koa fa atsika man̈aja fahin̈ana izikoa tsy man̈ano spaoro mahery na manalisaly fahin̈ana na miady. Karakaraintsika tsarabe koa tran̈ontsika ndreky tomobilintsika baka tsy hampisy problemo.
4 AMY JEHOVAH PAMONO OLO DONIANY SATANY TY
“Ke hitako fa man̈angy io mamony lionolo masin̈y.”—Apokalypsy 17:6
Nan̈ino atsika mivolan̈a fa doniany Satana ty pamono olo?
-
Apokalypsy 18:2, 4, 9, 24
Antapitrisany olo maty baka amy fivavahan̈a, politiky, ndreky fitiavanten̈a.
-
Matio 24:14; Jaona 17:16; Asan’ny Apostoly 20:26, 27
Kristianin̈y tsy man̈ano politiky ndreky tsy manohan̈a fikambanan̈a misy hifandraisany aminy ady ndreky famonoan̈a olo. Atsika man̈ampy olo hahazo fiain̈ana izikoa mikoran̈a amindro raha momba Fanjakan̈any Zan̈ahary.
