8. Tiany Jehovah Hadio Panomponany
1 MASIN̈Y JEHOVAH AMY RAHA JIABY ATAONY
“Irarian̈a anaro ho masin̈y, fotony Zaho masin̈y.”—Levitikosy 11:45
Karakory ma olo araiky masin̈y zen̈y?
-
2 Korintianina 6:3, 4, 17, 18
Hita amy fiain̈ananany jiaby olo araiky koa masin̈y na madio. Tafiditry amy zen̈y fahadiovany vatan̈a, lamba ndreky tran̈o. Mety ho tafiditry amy zen̈y koa fanompoan̈a, fitondranten̈a ndreky eritreritry.
-
Eksodosy 30:17-21; Jeremia 10:12
Ten̈a raha maventy amy Jehovah fahadiovan̈a io.
-
Salamo 19:8, 9; Matio 15:18, 19; Filipianina 4:8
Eritreritry io mety hahavy atsika han̈ano raha araiky, ke mila mifen̈y atsika hieritreritry raha tsara fo baka atsika tsy han̈ano raha ratsy.
2 TSY MAINTSY MADIO FANOMPOAN̈ANTSIKA
“Ataova raha hampadio anaro, fotony anaro mitondra fitaovan̈any Jehovah.”—Isaia 52:11
Ino tokony hataontsika baka hadio fo fanompoan̈antsika?
-
1 Korintianina 10:21; Jakoba 1:27
Atsika tsy tokony han̈ano fombandrazan̈a, na fombafomba misy ifandraisany amy fivavahan̈a diso.
-
Levitikosy 11:44; Malakia 3:6
Jehovah miaro atsika fo ke atsika amiany lalàn̈a ndreky toro lalan̈a.
3 FAHAZARAN̈A RATSY MANDROBAKA FIHAVAN̈ANTSIKA AMY JEHOVAH
“Irarian̈a atsika han̈adio ain̈intsika, baka atsika ho afaka amy raha jiaby mandoto nofotro ndreky sain̈y.”—2 Korintianina 7:1
Ino aby fahazaran̈a tiany Jehovah ialantsika?
-
Matio 22:39; Asan’ny Apostoly 17:25; Titosy 3:1
Tokony ialantsika raha jiaby mety handrobaka ain̈intsika karaha ataony sigarety, figiahantoaka dila loatra na jamala. Ialantsika fahazaran̈a aby io fotony atsika man̈aja fahin̈anantsika ndreky ninolo hafa, baka io man̈aja lalàn̈a amy tany misy atsika.
-
Romanina 7:21-25
Ndray sarotro amintsika miala amy fahazaran̈a ratsy io, atsika tsy tokony ho rivan̈a. Ho vitantsika fo handresy fotony Jehovah man̈ampy atsika.
4 HO VITANTSIKA HANDRESY FAHAZARAN̈A RATSY
“Vangoako mare ain̈inaka, baka io andivoziko.”—1 Korintianina 9:27
Ino raha han̈ampy atsika hiala amy fahazaran̈a ratsy?
-
Mangataha fan̈ahy masin̈y. Izio han̈ampy anao hanohitry fan̈irian̈a ratsy.
-
1 Petera 4:3, 4
Ialà raha mety hampasarotro ady ataonao hialan̈a amy fahazaran̈a ratsy karaha ataony olo, filma, na hira.
-
Romanina 12:1, 2
Miomàn̈a baka ho hainao han̈azava aminolo, nan̈ino anao tsy man̈ano raha sasany, ohatra nan̈ino anao tsy mifima sigarety.
