9. “Milifasa Fijangajangan̈a!”
1 FIJANGAJANGAN̈A IO FANDRIKY
“Milifasa fijangajangan̈a.”—1 Korintianina 6:18
Nan̈ino atsika ten̈a mila mitandrin̈y mare amy fijangajangan̈a?
-
Nomery 25:1-9; 2 Korintianina 2:11
Doniany Satana ty efa adalany firaisan̈a, mety hifindra amy olony Jehovah koa toetsain̈y zen̈y. Fijangajangan̈a io an̈isany fandriky araiky ten̈a mahomby fampiasainy Satana. Zen̈y mahavy atsika mila mitandrin̈y mare.
-
Ohabolana 22:3; Galatianina 6:7, 8
Iritrireta alahelo ndreky hirifiry vokatrany fijangajangan̈a.
-
1 Korintianina 6:9, 10
Tsy iken̈a an̈isany fiangonan̈a olo araiky tsy mety miala amy fijangajangan̈a io.
2 VITANTSIKA MIADY AMY FIJANGAJANGAN̈A
“Raha irinolo tsiaraikiaraiky fo mitsapa jerinany, ke zen̈y mamandriky izy. Fotony raha irin̈y io ... manjary fahotan̈a.”—Jakoba 1:14, 15
Akory havitantsika hanohitry fijangajangan̈a?
-
Joba 31:1; Jeremia 17:9; Matio 5:27, 28; Kolosianina 3:5
Adosoa an̈aty jery malaky eritreritry ratsy alohany izio hanjary fan̈irian̈a ratsy. Aza mizaha sary vetaveta.
-
Genesisy 39:7-12; 2 Korintianina 4:7; Jakoba 1:5
Man̈anova raha malaky izikoa fa ilain̈a zen̈y. Mangataha fan̈ampian̈a amy Jehovah.
-
Ohabolana 27:11
Iritrireta fo hatsaran̈a ho azonao amy fan̈arahan̈a didiny Zan̈ahary.
-
Ohabolana 13:20; 1 Korintianina 15:33
Olo tia Jehovah ndreky man̈araka fitsipikinany, karaha ataonao, fo ataova naman̈a.
3 AZA RIVAN̈A FOEKY FOTONY JEHOVAH HAN̈AMPY ANAO
“Tsara toetry ndreky von̈ono hamafa heloko anao, Jehovah e!”—Salamo 86:5
Akory ataony Jehovah man̈ampy atsika izikoa atsika nan̈ano fahotan̈a maventy?
-
Salamo 103:14; Ohabolana 28:13; Romanina 7:21-25
Olo araiky koa mibebaka, Jehovah han̈ambela adisovan̈anany.
-
Galatianina 6:1, 2; Jakoba 5:14-16
Iro antipan̈ahy amy fiangonan̈a aby io afaka man̈ampy atsika hihavan̈a ndraiky amy Zan̈ahary.
-
Ohabolana 3:5, 6; Filipianina 4:8, 9
Raha tiany Jehovah fo iritrireta, amy zen̈y anao han̈ano fanapahakevitry tsara.
