OLO FIVADIANY
2: Mahaiza Miaraka Miasa
KARAKORY MA ZEN̈Y?
Olo fivadiany miaraka miasa io mira olo mitondra avion ndreky pan̈ampy izy fo. Mifan̈ampy fo iro ndray an̈atiny sarotro fa tsy samy setry amy ninany.
TOROHEVITRINY BAIBOLY: “Iro tsy aroe eky fa hanjary nofotro araiky fo.”—Matio 19:6.
“Izikoa tondro araiky fo tsy mahazo hao. Mila miaraka miasa koa olo fivadiany baka sambatra tokantran̈ondro.”—Christophe.
NAN̈INO RAHA ZEN̈Y TEN̈A ILAIN̈A?
Izikoa misy raha tsy ifan̈arahandro, iro koa tsy mahay miaraka miasa, iro ndraiky manjary miady fa tsy problemo io iadiavan̈a. Nata raha tsisy dikany efa mivadiky problemo be.
“Ten̈a mila mahay miaraka miasa olo fivadiany, fa koa tsy zen̈y, iro manjary karaha an̈arany fo tran̈o araiky. Ke izikoa misy problemo maventy miboaka, iro ho sahiran̈a edy.”—Alexandra.
INO HEVITRY?
MANDINIHA HELY
Karamanaka io ma ninaka zaraiky fahitako izy sa ninay roe?
Tsy afapo ma zaho koa fa mangala diandian̈a izikoa ankilany vadiko?
Zaho ma malain̈y havambady, kanefa vadiko tia iro mare?
DINIHA MIARAKA AMY VADINAO
Lera karakory ma atsika ten̈a mahay miaraka miasa?
Amy raha karakory ma atsika tsy ten̈a miaraka miasa, ke mila ifen̈antsika?
Ino aby raha mety hataontsika baka atsika tia miaraka miasa?
SOSOKEVITRY
Ataova karaha olo misoma laboly in̈y fahitanaro anaro fivadiany, ke ekipy araiky anaro fa tsy adversaira.
Aza mieritreritry handresy izy anao fa iritrireta akory hahavy anaro handresy.
“Aza mandany lera mifan̈amia tsin̈y, mizaha azovy ny marin̈y azovy ny diso. Fihavan̈ana ndreky firaisantsain̈y fo raha ten̈a maventy.”—Ethan.
TOROHEVITRINY BAIBOLY: “Irarian̈a anaro tsiaraikiaraiky samy hizaha raha mahatsara namanaro, fa tsy raha mahatsara anaro tompiny fo.”—Filipianina 2:3, 4.
