Nisy ranabavy araiky ta Nouvelle-Zélande nizaha video “Aoka Ianareo Hifampiahy.” Nazavain̈y tao fa Jehovah koa fa mahinakinaka olo, izy man̈ano raha han̈aboahan̈a toetry io koa. (Isaia 63:7-9) Ranabavy io tapakevitry han̈araka raha nianarany ke han̈ampy olo. Izikoa izy fa nandeha bazary tafara heliny zen̈y, izy nifanojy tamy man̈angy araiky pangataka. Izy nivolan̈a tamy man̈angy io fa hivangany hanin̈y izy. Nan̈eky man̈angy io. Ranabavy io koa fa baka nivanga hanin̈y io, nitory hely taminany. Naboakany taminany trakty Jaly io ma Mbala ho Afaka?

Latsaka ranomaso man̈angy io. Izy nivolan̈a fa nitarimìn̈y tamy fahamarin̈ana izy tamy mbala hely fa efa taon̈o maro nialany tamizio. Vo tsy ela zen̈y, izy nivavaka tamy Jehovah baka hampiany himpody aminany ndraiky. Namiany ranabavy io Baiboly izy sady nan̈eky hianatra Baiboly koa. a

Afaka mangala tahaka Jehovah atsika, ke mahinakinaka olo. Afaka han̈aboahantsika zen̈y aby, havantsika avio iro rahalahy ndreky ranabavintsika amy fiangonan̈a. Mahinakinaka olo koa atsika izikoa mitady fomba hitorian̈a aminolo.