Atsika koa fa mianatra, atsika mila man̈ontany ten̈a karaha ty: ‘Ino ma raha handeha hianarako?’ Fa nata zen̈y, atsika mila mitandrin̈y tsao raha tiantsika hianaran̈a io tsy hahitantsika raha tian’i Jehovah hampianarin̈y atsika. Ke akôry hahaizantsika raha tian’i Jehovah hampianarin̈y atsika io?

Mangataha fahendrena. Angataha Jehovah han̈ampy anao hahay ino raha tiany ho hainao amy ziôty. (Jak. 1:5) Aza mitavandra raha efa hainao fo.​—Ohab. 3:5, 6.

Ambilà Baiboly hisy heriny aminao. “Volan̈a Zan̈ahary io velon̈o.” (Heb. 4:12) Ke isaka atsika mamaky Baiboly, izio afaka mampianatra atsika raha vaovao ndreky man̈ampy atsika amy raha maro amy fiain̈anantsika. Fa tsy ho hisy zen̈y izikoa atsika tsy man̈eky fa atsika mila mianatra raha tian’ny Zan̈ahary hampianarin̈y atsika.

Ankasitraha raha jiaby amy latabatran’i Jehovah. Hanin̈y ara-pan̈ahy amiany atsika io mira ‘hanin̈y treka in̈y.’ (Isaia 25:6) Ke aza ailikiliky “han̈iny” tsy dia hankafizinao. Anao koa man̈ano zen̈y, hahazo hatsaran̈a fo sady ho ravoravo amy raha amezan’ny Zan̈ahary.