Tsy lera miaraka aminolo maro amy fivorian̈a ndreky amy fivoriambe fo atsika manompo Jehovah, fa na atsika zaraiky na miaraka amy fianakavian̈antsika koa. Ke ty misy raha mety hatao amy fianaran̈a manokan̈a ndreky fotoam-pivavahan̈an’ny fianakavian̈a:

• Man̈omàn̈a raha atao amy fivorian̈a. Mety ampidirinao an̈atin’izen̈y koa fianaran̈a hira ndreky fan̈ampian̈a olo jiaby amy fianakavian̈a han̈oman̈a valin-teny.

• Mamakia tantara amy Baiboly. Aviô, ataova sary irô raha nandalo tan̈atin’ny tantara io, na koa sorata raha nianaranao baka tamizio.

• Diniha vavaka araiky hita an̈atin’ny Baiboly ao. Iritrireta amy zay nan̈ino izio afaka han̈ampy anao hankatsara vavaka ataonao.

• Mizahava video baka amy jw.org, aviô koràn̈a aminolo izio na koa sorata raha nianaranao baka tamizio.

• Man̈omàn̈a fanompoan̈a. Ohatra, man̈ano fan̈azaran-ten̈a momba raha tianao hikoran̈iny.

• Mizahava zavaboary aviô saintsain̈a izio, na koa koràn̈a ino raha ampianarin’izio anao momba Jehovah. a