Mety sarotro aminao mahazo onon̈o raha baka nianaranao. Tsy anao zaraiky fo mety tatran’izen̈y fa olo maro koa. Kanefa, asa mba hitanao fa mora azo onon̈o irô fan̈oharan̈a aby nataon’i Jesosy aby in̈y? Azonao sary an-tsain̈y baka irô io, ke zen̈y man̈ampy anao tsy han̈adin̈a irô io. Karaha zen̈y koa, maro raha baka nianaranao ho tsaroanao, izikoa anao mangala sary an-tsain̈y raha vakinao. Akôry mety han̈anaovanao zen̈y? Lera anao mianatra in̈y, ataova sary raha ianaranao io.

Matetiky olo mahazo onon̈o tsarabe raha vaovao baka nianarandrô izikoa izio ataondrô sary. Izio man̈ampy irô hahazo tsarabe raha volan̈in’ny volan̈a tsiaraikiraiky, ndreky irô hevitry maventy amy raha ianarandrô io. Tsy man̈ino na sary tsotra. Irô olo matoe aby io ten̈a mahazo hatsaran̈a baka amy fomba fianaran̈a karaha zen̈y.

Lera anao mianatra amy man̈araka, anao mety man̈ano sarin’ny raha baka nianaranao. Mety tsy ho hampoizinao fa ho maro raha ho azonao onon̈o!