Misy olo fivadiany mamaky tantarampiain̈ana araiky isaka maraindrain̈y. Ho iro: “Ten̈a mankahery ndreky mamparavoravo zahay mamaky iro lahatsoratra aby io! Iro io mampatsiaro zahay fa ndray ino ndray ino raha miboaka, zahay koa afaka tsy mivadiky.” Nisy ranabavy araiky nahatsapa karaha zen̈y koa nivolan̈a karaha ty: “Iro tantarampiain̈ana aby io mankahery, mandrisiky, avio ten̈a manohin̈y fô. Fiain̈anandro ranadahy ndreky rahavavy aby io ten̈a misy tanjon̈o sady misy dikany. Iro tantara aby io mandrisiky zaho hampitombo fanompoan̈anaka ndreky man̈ampy zaho handrisiky iry zanako hanompo Jehovah manontolo andra.”

Tantarampiain̈ana aby io mety handrisiky anao hampitombo fan̈ompoan̈a, handresy fahalimian̈a, avio ho ravoravo fo ndreky hahatsiaro ten̈a misy dikany ndray miaritry fitsapan̈a isankarazany. Akory mety ahitanao iro tantara aby io?

• Zahava andiandahatsoratra “Tantaram-piainan’ny Vavolombelon’i Jehovah” amy jw.org/mg na amy JW Library®.

• Tadiava “Tantarampiain̈any Vavolombelon̈o Jehovah” amy FIKAJIAN̈A BOKINY Vavolombelon̈o Jehovah aminy Internet, na amy Watchtower Library.