Tamy taon̈o 2023, irô manam-pahaizan̈a aby io nahita fa mila man̈ano raha irô, fôtony fahatsapan̈a latsa-tokana io efa nanjary aretin̈y atahoran̈a mare. Ke ino ma vahaolan̈a aminany io?

•   “Misy dokotera mpandidy a Etazonỳ an̈y, Vivek Murthy an̈aran̈anany, nivolan̈a karaha ty: “Misy vokany mare amy fahasalaman̈an’olo ndreky mety hahavy irô tsy ho ravoravo foeky fahatsapan̈a latsa-tokana ndreky tsisy naman̈a zen̈y.” Aviô, karaha ty koa ho izy: “Izio mbala misy aodiny.” Ino ma zen̈y? “Isan’andra atsika mila man̈ano raha madinidiniky, baka hahavy atsika hikamarady tsara amin’olo.” a

 Tsy lera atsika tsisy naman̈a fo mety hahatsiaro ho latsa-tokana fa ndray an̈ivon’olo maro koa. Fa dray ino ndray ino antony mahavy atsika mahatsiaro latsa-tokana, Baiboly mahavita man̈ampy atsika fo. Ao baka misy torohevitry maro han̈ampy atsika hahay hifandray amin’olo, amy zen̈y atsika tsy dia hahatsiaro latsa-tokana loatra.

 Mahaiza mikoran̈a. Karakôry ma zen̈y? Tsy anao man̈ambara amin’olo raha an̈atin’ny fônao fo fa anao koa mba mila mitandren̈y izy. Izikoa aboakanao fa anao mizaha raha hahatsara olo io, hahaiho kamarady fo anarô.

•   Torolalan̈an’ny Baiboly: “Aza raha mahatsara anarô tômpiny fo zahavanarô, fa raha mahatsara olo hafa koa”​—Filipianina 2:4.

 Mifen̈a mikamarady amin’olo isan-karazany. Mifen̈a hikamarady amin’olo zôkizôkinao na zandrizandrinao, na olo tsy mira kolontsain̈y ndreky tsy mira favian̈a aminao.

•   Torolalan̈an’ny Baiboly: “Ataova raha hampalalaka fônaro.”​—2 Korintianina 6:13.

 Izikoa anao tihahay ino raha mety hataonao baka anao hahazo kamarady maro, vakia lahatsoratra“ Te Hahazo Namana Tsara ve Ianao?”