AZA VOLY MIAMBIN̈Y!
Izio ma “Coupe du Monde” io Ten̈a Mahavita Mampihavan̈a Olo?—Ino Raha Koran̈iny Baiboly Momba Zen̈y?
Arakany vinavina, olo mandeha dimy arivo tapitrisa iô amy ty hizaha “Coupe du Monde” karakarainy FIFA, manomboko amy 20 Novambra firaka 18 Desambra 2022. Olo maro mieritreritry fa tsy fampihavan̈ana olo erantany fo vitany laboly io fa raha maro koa.
“Laboly io mahavita man̈ova fiain̈ananolo erantany. Izio mahavita man̈amia angovo olo. Izio mahavita mampihavan̈a olo.”—Nelson Mandela, efa navy prezidany Afriky Atsimo.
“Laboly io mampihavan̈a olo sady mahavy olo hanan̈a fan̈antinan̈a, ho ravoravo, ho tia olo, ndreky hisy raha hitambaran̈a aminolo.”—Gianni Infantino, prezidany FIFA. a
Marin̈y ma zen̈y? Mahavita raha jiaby zen̈y ankitin̈y ma fisiany laboly io? Mbala ho hisy ankitin̈y ma ten̈a fiadan̈ana ndreky fihavan̈ana zen̈y?
Laboly io ma ten̈a mampihavan̈a olo?
Olo maro mieritreritry fa “Coupe du Monde” tsy raha zisty soma karaha io fo. Izio aviany adihevitry maro momba fiarahamonin̈y, politiky, an̈atinizen̈y zonolombelon̈o, fan̈avakavahan̈a ndreky fanan̈ana.
Maro koa olo mihevitry fa soma laboly iraisampirenena karaha io fangalan̈a diandian̈a mamparavoravo mare. Fa ny raha misy ndraiky tsy karaha zen̈y, fotony tsy mahadin̈y ela fihavan̈ana azo baka amy laboly io. Nata izy aby matetiky hita amizio olo ratsy jery ndreky man̈ano raha koran̈iny Baiboly fa hahaizan̈a “andra farany.”—2 Timoty 3:1-5.
Ino ma raha ten̈a hampihavan̈a olo erantany?
Baiboly mikoran̈a fa mbala hihavan̈a olo erantany, lera Fanjakan̈any Zan̈ahary mitondra. Izio fanjakan̈a andan̈itry an̈y.—Lioka 4:43; Matio 6:10.
Jesosy Kristy Panjaka amy Fanjakan̈any Zan̈ahary io. Hataony azo antoko tsarabe fa miadan̈a tany jiaby. Karaha ty koran̈iny Baiboly mikasiky zen̈y:
“Aminy andra anjakany, olo marin̈y ho maro be.”—Salamo 72:7.
“Hamonjy olo masikiny mangataka vonjy aminany izy. … Izy han̈avotro iro amy raha mampijaly iro ndreky han̈avotro iro aminolo kafiry iro.”—Salamo 72:12, 14.
Rango izioty, fampianaran̈any Jesosy efa mahavita mampihavan̈a olo antapitrisany, amy tany 239. Iro olo aby io nampianarin̈y tsy han̈avakavaka olo. Izikoa tianao hahazo fan̈ampiny fan̈azavan̈a momba zen̈y, vakia iro lahatsoratra aminy “Afaka ny Hifankatia ve ny Olona Mifankahala?”
a Fédération Internationale de Football Association, filan-kevitra iraisam-pirenena misahana ny baolina kitra.
Mety ho Tianao Koa
FAN̈ONTANIAN̈A VALIANY BAIBOLY
Ino ma Raha Ahaizan̈a “Andra Farany” na “Vanimpotoan̈any Farany”?
Baiboly efa nan̈ambara tsialohaloha raha maro miaraka hiboaka ahaizan̈a andra farany.
FAMPIANARAN̈A FOTOTRO AMY BAIBOLY
Karakory ma Fanjakan̈any Zan̈ahary Zen̈y?
Tamy Jesosy tambony tany teto, raha momba Fanjakan̈any Zan̈ahary io raha ten̈a nampianariny. Rango efa ela, pianatranany mivavaka haviany Fanjakan̈a io.
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.
