AZA VOLY MIAMBIN̈Y!
Manonga Mare Hafanan̈a amy Tany Jiaby: Ino Raha Koran̈iny Baiboly Momba Zen̈y?
Tamy Zie 2022, nanoga tsisy ambaka izy hafanan̈a erantany, eraka raha koran̈iny tatitra aby ty:
Tamy fanjava ty, indroe nampitandrin̈y vahoaka iro manampahifan̈a ta Chine, fotony hafana mare andra amy tanàna kadiriny 70.”—25 Zie 2022, CNN Wire Service.
“Nafana loatra andra tan Eropy ke nanjary nisy motro maresaka nan̈oro atiala tamy tany maro tan̈y.”—17 Zie 2022, The Guardian.
“Tamy dimansy, naresaka mare hafanan̈a taminy ankamarozany tanànany Etazonỳ. Mbala tsiary nisy hafanan̈a karaha zen̈y tan̈y talohany io, kanefa efa mafana mare amy sisiny Antin̈iana ndreky amy faritry sasany Atsimo avio Midwest.”—24 Zie 2022, The New York Times.
Ino ma dikany raha jiaby zen̈y? Efa tsy ho mety hipirahan̈a eky ma tany ty? Ino Raha Koran̈iny Baiboly Momba Zen̈y?
Man̈atanteraka faminanian̈a amy Baiboly ma hafanan̈a be misy amy zioty io?
Ia. Hafanan̈a be erantany io mifan̈araka tsarabe amy raha volan̈iny Baiboly fa hiboaka aminy andrantsika zioty. Efa nivolan̈a, ohatra, Jesosy fa atsika hahita raha “maro mampavozo” na “raha hafahafa”. (Lioka 21:11) Fanongany hafanan̈a mareseka be io mahavy olo maro loso mavozo mare tsao raha ataony olombelon̈o handrobaka tany.
Efa tsy ho mety hipitrahan̈a eky ma tany ty?
Ehe. Zan̈ahary niasa tany ty baka hipitrahanolombelon̈o mandrakizay. (Salamo 115:16; Mpitoriteny 1:4) Izy tsy mety han̈ambela olombelon̈o handrobaka izio. Ndray izy aby mbala ‘handripaka lan̈iany olo mandrobaka tany ty.’—Apokalypsy 11:18.
Diniha hely koa raha aroe nampan̈antinainy Zan̈ahary hatao amy tany ty:
“Ho ravoravo tany dezera ndreky tany paiky. Ho ravoravo koa lemaka paiky sady hamolera karaha safrona.” (Isaia 35:1) Zan̈ahary tsy han̈ambela tany ty hanjary dezera zen̈y foeky. Ino raha hataony? Handeha hamboariny lan̈iany raha robaka amizio.
‘Anao mikarakara tany ty, ke izio ataonao mamokatra mare.’ (Salamo 65:9) Zan̈ahary han̈ova tany ty hanjary paradisa.
Izikoa tianao hahay tsarabe nan̈ino fivoany toetrandra misy amy zioty man̈atanteraka faminanian̈a amy Biboly, zahava lahatsoratra “Ny Fiovan’ny Toetrandro sy ny Hoavintsika.”
Baiboly mampan̈anten̈a fa mbala himpody ho tsara ndraiky tontolo iain̈ana. Izikoa tianao hahay tsarabe momba zen̈y, zahava lahatsoratra “Iza no Hahavita Hanavotra ny Tany?”
Mety ho Tianao Koa
FOTOKEVITRY ISANKARAZANY
Baiboly ma Afaka Man̈ampy Anao Hiatriky Toetrandra Manitsy Loatra na Mafana Loatra?
Torohevitry amy Baiboly ao afaka man̈ampy anao alohany isiany antambo, lera izio avy, ndreky afaranizio.
FAN̈ONTANIAN̈A VALIANY BAIBOLY
Ino ma Raha Ahaizan̈a “Andra Farany” na “Vanimpotoan̈any Farany”?
Baiboly efa nan̈ambara tsialohaloha raha maro miaraka hiboaka ahaizan̈a andra farany.
FAMPIANARAN̈A FOTOTRO AMY BAIBOLY
Ino ma Dikany Niasany Zan̈ahary Tany Ty?
Feno raha maro tsara tanintsika ty. Mety tsara elan̈elan̈a tany ndreky masoandra, pare tsara koa fitsikilan̈any, baka io mety tsara koa fiodikodin̈any. Ino nahavy Zan̈ahary nan̈ano raha jiaby zen̈y amy tany ty?
FOTOKEVITRY ISANKARAZANY
Ino ma Raha Koran̈iny Baiboly Momba Fiovoany Toetrandra Ndreky ny Amaraintsika?
Izio ma Zan̈ahary niasa tany ty mba mijery tany ty ndreky mijery olombelon̈o?
FAN̈ONTANIAN̈A VALIANY BAIBOLY
Tany ty ma Mbala ho Potiky?
Ho gaga anao koa mahita raha koran̈iny Baiboly.
RAHA AMPIANARINY BAIBOLY
Man̈ohara Mianatra Baiboly Aminay
Mangalà fianaran̈a Baiboly miaraka amy fan̈azavan̈a araikiaraiky momba fan̈anaovan̈a izio.
